Radio, online – Eis Prezidente Republika, Jose Ramos Horta iha ninia prezensa ba partidu Demokratiku (PD) laos atu hadau kadeira ou ho objetivu nagativu balu, maibe nia hili apoia PD tanba bazeia ba enkontru Maubisse, nebe’e diside Horta nia misaun uniku mak atu prepara jerasaun foun hodi kaer ukun iha futuru Timor Leste.
“Ami halo reuniaun bo’ot iha Maubisse, ami hotu –hotu iha nebaa, tempo ne’e ami koalia atu prepara jerasaun ba ukun, nune’e hau hanoin tun sae, hau atu apoiu se, neutral ne’e la iha folin, tamba ne’e hau diside, apoiu PD,” haktuir ba militante iha Suai, Tersa (12/2).
Horta hatutan, Xanana Gusmão ho Marie Alkateri la persija ninia tulun, maske iha pensamentu diak ba ukun nasaun Timor Leste.
Horta dehan nia aan la tama iha lista PD nian, tamba nia apoiu PD laos atu hetan kadeira maibe buka promove jerasaun foun iha futuru. Se ita hakarak demokrasia lao ba oin, PD tenki sae, besik partido bo’ot sira para iha ekilibriu.
PD mos tenki sai partido ida hanesan ponte ba FRETILIN ho CNRT, atu hakuak sira nain rua atu nasaun ne’e bele hakmatek, maibe atu to’o iha ne’e, povu tenki fo votus maka’as ba PD.
Apoiu PD la signifika trava CNRT tau ukun. Xanana hatene, nia mos ukun hatete ba hau atu apoiu atu minimize monopoliu politiku iha Timor, katak Horta.
Horta hatutan, partido bo’ot hanesan FRETILIN ho CNRT, nia la diside apoiu tamba iha partido rua ne’e iha ona lider jerasaun 1975. Horta apoiu PD mos la signifika tamba ba iha PD maibe nia hakarak promove demokrasia. Ne’eduni nia husu ba PD atu la bele komunga esprito violensia, maibe hakiak dame no Paz, atu tinan lima mai nasaun lao ba oin.
Discussion about this post