Radio, online – Prezidente Assosiasaun Amizade Timor Leste-Cuba (AATLC) Merita Monteiro dehan, iha aktividade ba asosiasaun nian barak mak atu realize maibe iha aktividades prinsipal ida mak AATLC hakarak elabora hodi husu kontribuisaun hosi membros hotu-hotu atu fo asinatura haruka ba embaixador Estadus Unidus atu bele liberta sinco prizioneiros politikus iha sel Guantanamo.
Kestaun ne’e deklara husi AATLC wainhira halo enkontro kortezia ho estudante Universidade Nasional Timor Lorosa’e iha Faspol, Kinta feira (14/06). Prezidenti AATLC dehan, Timor Leste presiza kria relasaun diak ho Cuba para hodi hametin unidade Timor oan ne’ebe iha Cuba no kria amizade no solidareidade povu Cuba ne’ebe iha Timor Leste
“Assosiasaun ne’e harii ho objetivu importante katak kolaborasaun estadu sosiedade igreja katolika para hametin fiar liu hosi amizade no solidariedade,” Merita akresenta.
Merita mos kestiona ema barak halo interpreta katak iha Cuba ema la ba igreja, maibe ne’e sala. Iha Cuba ne’eba buat hotu flexible tanba ita ba tuir ita ida-ida nia fiar maibe sira la bandu.
Merita reforsa katak asosiasaun ne’e iha para hodi hala’o atividade sira hodi disemina karakteristikas sosial no cultural Timor Leste nian ba povu Cubanu no povu Cubanu nian ba povu Timor Leste liu hosi kooperasaun servisu hamutuk ema no instituisaun ne’ebe nia hanoin hanesan.
Turi nia katak asosiasaun ne’e harii ho Principalmente atu halibur no unifika Timor oan hotu hakarak habelar hametin amizade no solidariedade ho Cuba.
Tanba ne’e AATLC husu ba estadu Timor Leste tenke Kolabora ho institisaun estadu ho Cuba hodi fo apoiu ba koperante Cubanu hotu ne’ebe halao knar iha Timor Leste atu sir abele konese realidade povu ne’e nian
Nia reafirma katak Asosiasaun Cuba Timor Leste ne’e harii iha dia 14 junho 2003 no Timor oan lubun bo’ot ida inklui Dr. Maria de Araujo no Sr. Roque Rodriges, Sr. Luis Lobato, Sra. Rojaria Cortereal ne’ebe halibur an hamutuk ho harii asosiasaun ida ne’e
Tanba haree katak iha ona relasaun entre nasaun rua ne’e no relasaun ne’e estabelese wainhira ita nia Ex.Presidente no atual Promeiro Ministro Xanana Gusmão ho Ex.Presidente Fidel Castro iha Kuala Lumpur, Malazya iha Fevereiro 2003.
No sira nai rua deside atu halo kooperasaun bilateral entre nasaun rua ne’e, entaun deside medikus Cubanu mai fo asistensia medika iha Timor nomos haruka estudante Medisina ba eskola medisina iha Cuba nomos sira apoia iha kampana analfanetizmu.
Hosi atividane’e ne’e assosiasaun hanoin importante teb-tebes atu kontinua mantein nafatin relasaun entre nasaun rua ne’e hodi haree asosiasaun.
Asosiasaun laos harii ba estudante medisina deitn maibe asosiasaun sivika ida ne’ebe aberta ba ema hotu atu bele tama iha asosiasaun ne’e no se deit mak hakarak membro ba asosiasaun ne’e.
“Ami mos komemora loron boot dia natalis hanesan independensia Cuba nian no ami sei komemora iha ne’e no Cuba sira mos sei komemora ita nian iha Cuba no halo interkambiu cultural ba entre nasaun rua ninian,”Merita hatutan.
Asosiasaun ita iha ona 400 ital membros ita mos fahe ba membros ordinario no extra ordinario no ita nia extra ordinario ida mak Ramos Horta no Dr.Marii Alkatiri, Xanana Gusmao mos sai nudar membros.
Iha fatin hanesan Embaixador Cuba ba Timor Leste Lic.Luis Julian Laffite hateten, relasaun entre Timor Leste ho Cuba presizamente tenke ho relasaun diak hodi nune’e bele aselera seitor saude iha Timor Leste.
Embaixador ne’e informa katak ema barak hateten estudante sira ne’ebe estuda iha Cuba tuir hotu sistema Nasaun Cubanu nia maibe ne’e la’e ema ida – ida kaer metin nafatin nia kultura no identidade Timor nian
“Ami rona ema barak hateten estudante sira iha Cuba atu tama hotu iha sistema komunista maibe la’e tanba ami la obriga estudante ida atu tama ba sistema ida ne’e” Embaixador foka sai.
Iha fatin hanesan Vice Dekanu Asuntu Akademiku.Maria do Ceo dehan, kooperasaun Timor Leste ho Cuba iha area saude ho kontestu solidariedade tanba bele bele hametin unidade povu Cuba no Timor Leste.
“Estudante sira iha ne’eba hosi Cuba proteje nafatin estudantes sira iha Cuba no kaer metin identidade Timor nian,” dekanu informa.
Discussion about this post