Radio, online – Distritu Bobonaro iha sub-distritu nen,ho suku hamutuk 50 no aldeia hamutuk 194 durante sei prekupa makas ho kondisaun infranstrutura, ekonomia no edukasaun.
Liu husi konfrensia da imprensa ne’ebe halao iha edifisiu Luta Hamutuk Tersa, (12/6) Deputy Diretor Luta Hamutuk (LH), Joaozito Viana hateten, Distritu Bobonaro sai ekipa Luta Hamutuk halao nia aktividade durante loron hat (4) ba suku 4 hodi rona saida lolos mak agora dadaun sai povu Bobonaro nia hanoin.
Durante iha diskusaun ne’ebe halao iha suku 4 ne’e, ekipa LH identifika ona problema oin-oin ne’ebe mai sai prekupasaun komunidade sira nian,infelismente prekupasaun povu bobonaro to agora sidauk bele resolve mak hanesan distribuisaun orsamentu ne’ebe la justu,projetu la refleta prioridades povu, asesu ba estrada, asesu ba eletrisidade, projeitu PDL no PDD.
Deputy ne’e afirma liu tan, Distritu Bobonaro senti tristi tebes tamba governu nunka ba vizita no kolia ho sira iha baze konaba sira nia prekupasaun. Governu sira hein deit to’o kampaia mak ba vizita sira.
“Povu Bobonaro husu mos ba Sekertariu Juventude no Desportu ita hare Distritu Dili Dezenvolve liu ho nia fasilidade desportu, fasilidade juventude hetan treinamentu maibe iha bobonaro la iha fasilidade ida atu fasilita sira ninia kapasidade,luta hamutuk prekupa ho situasaun ida ne’e tamba Dili mos distritu hanesan mos distritu bobonaro tamba Dili ita seidauk dehan kapital”Joaozito esplika
Iha tempu badak Luta Hamutuk sei haruka karta popular ida ba Presidenti da republika konaba povu bobonaro nia lian no sira husu atu haklaken karta popular ida ne’e.
Luta Hamutuk mos hato’o rekomendasaun ida ba membru Governu no Membru Parlamentu atu halo vizita beibeik ba povu mak hela iha area rural hodi rona sira nia lian,prekupasan nomos hanoin diak balun husi povu.
Discussion about this post