Radio, online – Komesa hahu kampaina, partido politiku (Parpol) sira komesa promete ba povu buat mesak furak no diak ba povu nia moris. Ho ida ne’e Joao de Araujo hanesan Seguransa iha Jardin Lecidere husu ba partido ne’ebe halo promesa wainhira forma governu tenki realiza.
Joao hato’o lia hirak ne’e ba radioliderdadedili.com iha jardim Lecidere Kinta (7/6). Joao hatutan, husu ba parpol sira ne’ebé karik manan iha eleisaun tenke tau matan ba povu ki’ik nia moris.
Nia hatutan, faktu hatudu katak, governu AMP halo ona buat balun ona iha prosesu dezenvolvimentu durante tinan lima, maibe laos para iha ne’e deit. Nasaun ne’e tenki diak liutan no povu tenki moris diak ida ne’e mak valor ukun-an.
Parpol barak mak agora halo kampainha no halo promesa barak, hein katak, sira bele realize bainhira hetan ona poder politika.
Eleisaun paramentar ne’e ba datoluk hafoin Timor-Leste hetan ninia restorasaun idependensia iha 20 Maio 2002.
Discussion about this post