Radio, online – Prezidenti Federasaun Kommite Olimpiku Nasional Angelo Henriqus dehan, ba desportu halai biskleta ba tinan ne’e sei halao uluk iha distritu 4 mak hanesan Dili, Liquisa, Lospalos no Same.
Prezidenti Olimpiku Nasional hato’o kestaun ne’e liu husi konferensia da emprensa iha nia sede Desportu Benfika Kinta, (7/6).
Angelo hatutan, atividade siklismu ne’e fo korazen ba siklista sira para hodi treinu no ativu atu nune’e bele kompete iha eventu ASEA games.
Atividade siklismu sei iha distritu Dili hala’o iha loron Sabadu (9/6) hahu iha Sekretaria do Estadu da
Juventude Desportu tuku 8:00 otl. Area ne’ebe mak atu liu hanesan Becora, Fatu-ahi, Hera no Metiaut, ho totak kilometru 53.
“Atividades biskleta tinan-tinan sei muda maibe agora dadaun ami sei aloka ba Distrito ha’at hanesan iha distritu liquisa halo ona iha loron 6 fulan maiu ho 23 kilo metro, segunda etapa sei halo iha dia 10 de Junho, terseiru etapa sei halo iha Lospalos 22 de Julho no ultimo se halo iha Same iha dia 26 de Agostu,”Angelo esplika.
Ba kompetisaun ne’e federsaun hetan apoiu husi empresa Belak Fuels no hosi Sekretario do Estadu Juventude Desportu. Empresa Belak Fuel ajuda orsamentu 3 mill dolares no hosi Secretario Estadu Desporto ho montante 5.500 mill dolares.Siklista hamutuk 133 pessoas inklui mos siklista internasional balun no feto intrnasional hamutk 10
“Ami halo seleksaun ba siklista sira tanba ida ne’ebe mak merese atu tama tan ne’e atividade ida ne’e mos iha kontinuasaun hodi kompete iha ASEAN games,”dehan Angelo.
Discussion about this post