Radio, online – Ministra Justica, Lucia Maria Brandao Lobato liu husi desizaun final Tribunal Distrital Dili hodi hamonu sentesa tama komarka tinan 5 ba kazu korupsaun no abuzu poder.
Prosesu akordaun final ne’e le’e iha Tribunal Distrital Dili halao iha Sesta, (8/6) oras 15:00 otl.
Le’e karta akordaun husi juiz Edite Palmira, Paulo Texeira, Jose Araujo. Prokuradora Angelina Saldanha, Jose Ximenes (internasional), Felismino Cardoso. Defensor Sergio Hornai, Eduardo Ximenes Xavier no Fernando Carvalho. Numero prosesu kazu ne’e 580/2011.
Hafoin simu desizaun ne’e, Lucia hakat sai mai iha liur, ba jornalista dehan, tribunal absoluta krime balun, kondena krime balun dehan katak hau (Lucia) halo duni korupsaun ne’ebe hamosu pena sentensa tinan lima (5) ba krimi ne’ebe Lucia halo. Nomos Lucia Lobato mos sei selu multa 4 mill dolares ba estadu.
“Konaba ida ne’e hau laiha prova, Ne’e tribunal nia provas, tamba testamoina nain ha’at hato’o sira nia depoimentu. Diak liu hau simu prizaun tinan 5,”Lucia dehan ho tristi.
Lucia mos dehan nia prontu atu ba toba iha komarka Becora. “Tribunal hanoin ida ne’e mak los ona, prontu ita hotu simu hau tenki ba duni komarka. Julgamentu ikus ne’e Lucia Lobato la akompaina husi nia laen, Americo.
TL hakerek iha istoria foun, durante ukuan-an tinan 10 foin premeira vez tribunal halo julgamentu ba kazu korupsaun hodi hamonu Ministru ida husi PSD ba komarka tinan 5 husi governasaun AMP ne’ebe lidera husi Kay Rala Xanana Gusmao. Ita hein kazu seluk sei prosesa tuir mai!!.
Discussion about this post