Radio, online – Sekretaria Estadu ba Promosaun Igualdade (SEPI) realiza enkontru espesial entre Director Geral husi Ministeriu no Sekretaria Estadu hotu-hotu IV governu Konstitusional no Administrador Distritu Timor-Leste tomak konaba progresu no obstaklu grupu trabalhu Generu.
Enkontru ne’e halao iha Hotel Timor Dili (25/5) foin lalais ne’e. Liu husi enkontru ne’e Sekertaria Estadu ba Promosaun Igualdade, Idelta Maria Rodriques ba jornalista dehan, objetivu ba enkontru espesial ne’e mak hanesan enkontru ne’ebe ikus husi SEPI atu hare ba involvementu kriasaun grupu trabalhu generu ne’ebe xefia husi Director Geral.
“Ohin enkontru espesial ho Director Geral hotu-hotu husi Ministeriu nomos husi Administrador Distritu hotu inklui ne’ebe sevia Prezidenti grupu trabalhu generu distrital nian hodi nune atu hametin tan kolaborasaun no koperasaun iha area generu nian, tamba iha preparasaun ida ne’ebe importante tebtebes atu halo ba iha premeiru relatoriu CEDAW ne’ebe sei mai iha tinan 2013,”Idelta esplika.
Idelta hatutan, grupu ne’e atu hametin tan sira ninia kuinesementu no habelar tan informasaun papel saida mak kada director geral sira tenke halo atu asegura inplementasaun politika abordazen intregadu de generu mos relevante ba isu sira ne’ebe relevante ba asuntu feto nian.
Tuir Idelta kestaun importante mak atu rona tamba halo tia ona formasaun ou treinamentu ba distritu 10 nomos halo ba Director Geral iha ministeriu 17 tamba ne’e mak ohin atu mai rona fila fali saida mak sira hanoin husi inplementasaun ne’e hasoru problema saida hare ba progresu no obstaklu sira nebe kada ministeriu sei infrenta atu preparaan ba iha preparasaun ida nebe iha governu foun mai.
Iha parte seluk Sekertaria Distritu Ainaro, Manuel Ramos Pinto hateten katak grupu trabllu generu iha distritu sira konsege establese ona maibe nia aktividade mak seidauk bele lao tamba struktura mos seidauk forma halo los ne’eduni liu husi inkontro espesial ida ne’e hodi diskuti depois de enkontru ida ne’e sira sei fila fali ba sira sei kria fali inkontro ida ho membru sira oinsa para atu involve lina ministerial sira ne’e iha distritu.
Thomas da Silva Nudar Director Geral SEPI esplika katak enkontru ne’ebe sira realiza involve administrador sira husi distritu inpotrante tamba nudar lideransa ida iha distritu tamba sira nia misaun ba dezemvolvementu iha area generu ne’e inportante tebtebes iha distritu.
Discussion about this post