Radio, online – Fidelis Mangalhaes eis kordenador ekipa susesu Taur Matan Ruak (TMR) sai Xefi Caza sivil ba Prezidenti Republika (PR) TMR.
PR Taur nomeia Fidelis Mangalhaes durante nia mandatu tinan lima oin mai 2012-201. “Hau deside Fideliz sai Xefi Caza sivil ba hau nia mandatu tinan lima, i hau husu Gergorio ajuda halo tranzisaun diak,” dehan TMR.
PR Taur husu atu Xefi caza sivil antigu tenki rai hela relatori servisu durante tinan lima hamutuk ho handphone eis PR Horta.
“Hau hatete hotu hotu ne’ebe serbisu iha ne’e sai, husik hela relatoriu, halai deit, hau hatete iha risku atu loke prosesu kontra imi,” PR Taur komenta.
Taur rekoinese foin tama iha vida politika, maibe servisu iha institusaun estadu nian ida tenke sai ezemplo diak ba instituisaun seluk, ne’e siknifika. PR Tuar konfesa katak, nia sei la halimar ho servisu. PR Taur husu atu servisu ho pontualidade.
PR Taur husu ba funsionario hotu atu serbisu makas labele baruk, wainhira halo servisu. PR Taur dehan problema sira ne’ebe mosu iha palacio Prezidensial, tamba funsionario sira ne’ebe servisu ho eis Prezidenti Horta sira hanoin katak funsionario foun atu duni sira, problema ne’e mosu tamba lei organiko la define klaru kona ba mekanismu tranzisaun. Bainhira mandatu PR ida remata no intrega ba PR foun sira ne’e halo lei la komprende, halo arbiru i la hatene implikante ne’e oinsa lei ne’e tenke muda.
PR Taur mos fo agradese bo’ot ba funsionario publiko ne’ebe durante tinan lima servisu hamutuk ho eis Prezidenti republika Horta ba sira nia didikasaun ne’ebe mak sira halo iha tempo bainhira nia assume fali kargu PR
Tuir plano Prezidenti Taur mos sei taka asesu internet gratuita publiko no hasai programa Tuor de Timor ho Dili Maratona ne’ebe kria husi eis Prezidenti Horta.
Anternativa atu publiku asesu nafatin asesu internet no aktividades desportu, PR Taur sei entrega hotu ba Sekertairu Estadu Juventude Desportu. Alende ne’e mos PR Taur koalia tiha ona ho PM Xanana hodi buka fatin seluk ba labarik sira ne’ebe eskola primaria iha palacio PR.
Discussion about this post