Radio, online – Prezidenti da Republika Taur Matan Ruak (TMR) entrega medalha 139 ba membrus Guarda Nasional Republika ( GNR) durante halao knar iha Timor Leste.
PR TMR iha nia diskursu tersa, (22/5) iha quartel GNR Kaikoli hateten. “Hau fo parbes ba GNR tamba durante halo nia knar iha Timor Leste ho profesionalismu, durante ne’e GNR mos fo treinamentu fiziku ba PNTL hamutuk membrus 250 no Seguransa pesoal sira,”.
Iha fatin hanesan Prezidenti Republika Portugal, Anibal Cavaco da Silva mos dehan, GNR ne’be durante ne’e halo knar iha Timor Leste hamutuk 144 militar iha 2002. GNR serbisu hamutuk ho ONU hodi halo knar iha Timor Leste.
Prezensa GNR iha TL durante UNTAET nia tempu. Depois restorasaun RDTL iha 2002, GNR nia misaun raremata. Iha 2006 TL infrenta krizi militar, TL bolu fali GNR mai kontrola situasaun rai laran, to’o agora.
Iha 2011 GNR asina akordo ho Timor Leste atu fo kapasitasaun ba area Militar durante. GNR sei iha TL depois eleisaun parlamentar remata no forma governu. Hare ba GNR iha ONU nia mahon, iha 2012 GNR sei fila ba Portugal, seguransa tomak iha rai laran sei entrega tomak ba PNTL.
Partisipa iha entrega medalha ba GNR ne’e, Primeru Ministru Kay Rala Xanana Gusmao, Vice PM Jose Luis Guterres, Segundo Komandante PNTL Afonso de Jesus, Reprezentante UNMIT Ameera Haq no membru governu balun.
Discussion about this post