Radio, online – Hodi hasae rekursu umanus iha TL no koinesementu lingua Portuguesa diak liutan, Prezidenti Republika Portugal Anibal Cavaco Silva ofereses kafeta biblioteka rua (2) ba governu TL, liu husi Ministeriu da Edukasaun (ME).
Serimonia entrega kareta rua ne’e PR Cavaco mos lansa feira do livro ne’ebe halao iha Centro Convensaun Dili Tersa, (22/5).
Ministru da Edukasaun Joao Cancio Freitas ba jornalista, oferta mai husi rendementu ne’ebe hetan iha tinan rua ba kotuk wainhira halo feira livrus iha palacio Governu nia sorin, kareta rua ne’e Portugal ofrese mai Ministru Edukasaun. Ministeriu Edukasaun sei intrega fila fali ba Sekertaria do Estadu da Kultura para atu tau livrus hodi bele lori to’o iha distritus sira ne’ebe seidauk hetan oportunidade ba feira do livro nomos sub-distritu.
“Ita nia biblioteka seidauk iha barak, maske iha biblioteka Universidade maibe ita presiza biblioteka Nasional. Ho realizasaun feira do livro hanesan importante tebtebes atu fo oportunidade ba ita nia joventude sira ho ita nia komunidade para aliende hare livru bele sosa mos livru sira ne’ebe iha,”Joao akresenta.
ME ne’e esplika liu tan, livru sira ne’e mai husi duasaun editor Portugal no Brazil homos livru sira ne’ebe publika longu deziamos. Purezemplu nia estituasi hakerek hanesan DR.Mari Alkatiri, Eis Presidenti da Republika Ramos Horta livru sira ne’ebe hakerek konaba Timor ne’e iha ne’e estansia iha nomos livru sira disionarius ba labarik kiik, joventude e iha mos livru sira ne’ebe iha relasaun ho estudante universariu sira no publiku sira bele ba hare, livru ne’e ho nia presu deskontadu.
Iha fatin hanesan Eis Prezidenti da Republiku, Jose Ramos Horta fo parabens ba Embaixada Portugal ne’ebe mak halo inisiativa ida ne’ebe diak tebtebes tamba livru sira ne’e balun iha folin tun no balun folin baratu para populasaun no joventude sira bele iha asesu.
Feira do Livro sei loke ba publiku hahu husi 22-27 maio de 2012,livru sira ne’ebe lansa husi Presidenti Portugal sei faan hotu inklui livru ne’e hakerek husi Bispo Dom Mgr Carlos Filipe Ximenes Belo SDB .
Lansamentu Livru ne’e hetan partisipante husi Presidenti da Republika Taur Matan Ruak ho nia kaben, Presidenti Parlamentu Nasional Fernando Lasama de Araujo ho membru parlamentu balun, Primeiru Ministru Kay Rala Xanana Gusmao. no membru governu balun.
Discussion about this post