Radio, online – Porta Voz Sosiedade Sivil Assosiasaun HAK, Manuel Montero Fernandes informa katak, iha loron Kinta, (17/5) oras 16:15 unidade ida husi PNTL hamutuk ho Unpol halo persegisaun ba sede HAK hodi husu konaba planu HAK hamutuk ho sosiedade sivil balun atu halo manifestasaun iha selebrasaun restorasaun iha dia 20 de Maiu hasoru Prezidenti Indonezia.
Manuel hatutan nia kronoligia katak, unidade PNTL hamutuk ho Unpol sira tama ba edifisu HAK nia laran. Nestemomntu Manuel ho nia kolega ida iha.
Depois tama ba laran, Manuel husu ba polisia dehan, Maun polisia sira presiza saida. Iha polisia ida direita husu ba Manuel dehan, imi atu halo manifestasaun loron restorasaun 20 de Maiu, tebes ga lae?,”dehan Membru ida ne’e.
Hatan ba perguntas, Manuel dehan “Ami sei la halo manifestasaun ba loron importante ne’e,”.
Rona tiha esplikasaun husi Porta Voz HAK ne’e, unidade PNTL ho Unpol ne’e husik kedan edisifiu HAK nian ne’e.
Iha loron Sesta, (18/5) Porta Voz HAK ne’e halo kedan konferensia da empresa ne’ebe la satisfas ho hahalok husi membru PNTL ne’ebe la respeita, bainhira iha area de fora servisu.
“Ami konsedra hahalok ne’e hanesan persegisaun no terror. Hahalok ne’e kontra lei no kontra valorres direitus umanus,”Manuel komenta.
Tuir Manuel HAK iha iha tempu luta nia laran, kontribui mós ba luta Independénsia ida ne’e, hetan presigisaun no terror hanesan ne’e.
HAK husu ba ukun na’in iha nasaun ne’e labele taka povu ki’ik, vítima no ativista sira nia ibun iha kualker selebrasaun loron bo’ot.
Jornalista radioonline tenta atu komfirma asuntu ne’e ba Komandante Distritu Dili, Pedro Belo susar tebes tamba sei faligadu ho preparsaun seguransa ba selebrasaun restaurasaun 20 de Maiu.
Discussion about this post