SBY Apoio Timor Leste Tama ASEAN

Radio, online – Liu husi vizita estadu, partisipa X restorasaun RDTL nomos asisite tomada de posse Prezidenti da Republika eleitu Taur Matan Ruak, Prezidenti da Republika Indonezia Susilo Bambang Yudhono (SBY) ho Premeira Dama Ani Bambang Yudhyono to’o iha TL oras 9:30 otl ho aviaun Garuda Indonezia.

Iha areportu Internasional Nicolao Lobato, SBY ho nia komitiva simu husi Ministru Negosiu Estranjeiru Zacarias Albano da Costa lori kedan SBY ho nia komitiva ba iha Palacio da Prezidenti RDTL Aitarak Laran, Dili. Sesta, (19/5).

Iha palacio Prezidensial RDTL, SBY iha nia diskursu dehan, Timor-Leste servisu bilateral ho Indonezia lao diak tebes. Tamba durante nasaun ruan ne’e dala barak koalia iha area politika ekonomia, politik sosial, area ekonomia kultura no serbisu hamutuk iha forum Internasinal.

“Hau hare progresu ne’ebe lao dadaun iha TL iha posibilidade agora TL bele tama ona ba ASEAN,”SBY sujere.

SBY hatutan, “Hau mai ne’e, tamba hau simu karta konvite ida husi Prezidenti Timor Leste Jose Ramos Horta. Hau mai hodi partisipa komemorasaun loron restaurasaun Timor leste ba dala X. Tamba ne’e hau espera katak liu tihan tina sanolu ne’e Timor Leste bele dezenvolve liutan sai nasaun dezenvolvidu, tamba ne’e Indonezia sei serbisu hamutuk nafatin atu hadia povo Indonezia no Povo Timor leste ba oin,”.

Iha biban ne’e, Prezidenti Timor Leste Jose Ramos Horta mos hateten “Ita hotu hatene’e hahu husi 2002 lideransa tomak no sosiedade sivil, ho lideransa SBY  rasik mos fo garantia paz  no stabilidade entre nasaun rua ne’e.

Tuir agenda SBY sei halo MoU ho estadu TL iha area juventude desportu nomos halo akordu ida hosi ke’e mate ruin TMP iha Distritu hotu mai tau iha TMP Dili nian.

Iha rotunda lafatik monta fotografia boot SBY ho premeira dama ho lian fuan Bemvindu. nune’e mos fotografia heleu lafatin ho fotografia xefi governasaun Australia no Tuvalo.

Alende ne’e mos monta fotografia artista koinesidu husi Brazil Leo ho Leandro ho mos pesulap Indonezia Romy Rafael, ne’ebe sei harame komemorasaun X restorasaun RDTL.
.