Radio, online – Koordenador Klibur Estudante Fatuberliu (KEFA), Euklidis Torrezao husu ba Ministeiru Administutrsaun Estatal Ordenamentu Teritoriu (MAEOT) atu espulsa tiha Administrador Sub-Distritu Fatuberliu tamba kompete iha KKN no la inteden programa governu nian iha nivel lokal.
Kestaun ne’e KEFA hato’o liu husi konferensia da emprensa iha Kampus UNDIL, Tersa, (8/5).
Koordenador KEFA ne’e hatutan, Administrador Sub-Distritu Fatuberliu durante asumi nia kargu la servi povu. Hanesan foin lalais ne’ea akontese administador iha aktividade desportu estudante, juventude no inan aman komemora loron restaurasaun da independensia konvida Administrador atu ba loke abertura jogus ida ne’e, maibe Administrador ne’e la marka prezensa. Idepois Administrador uza kareta estadu hanesan nia privadu no la iha planu sustenbilidade ba dezenvolvimentu iha sub-distritu Fatuberliu.
“Ami lori estudante, juventude no inan aman sub-distrito Fatuberliu sinte trite no lakon fiar no husu atu espulsa tiha deit administrador baruk ten ne’e,”Euklidis komenta.
KEFA mos rekomenda ba MAEOT atu fo atensaun attitude ne’ebe Administrador sub-distrito Fatuberliu. Nune’e mos MAEOT mos tenke hare didiak pozisaun Administrador sub-distrito Fatuberliu ne’ebe durante tinan sanulu resin rua (12) asimu kargu ona maibe planu dezenvolveimentu iha sub-distrito Fatuberliu la lao.
Koordenador KEFA ne’e mos husu ba Director Geral MAEOT Distrito Manufahi, atu kontrola sasan estadu ne’ebe mak Administrador sub-distrito Fatuberliu uza ba ninia privadu ne’e nakloke dalan ba KKN. Tamba orsamentu estadu nian ba komemorasaun loron 20 de Maiu laiha transparansia husi Administrador.
“Ami husu KAK atu investiga administradior sira tamba sira mos hetan subornu barak no uza sasan estadu no orsamentu estadu nian ba sira nia privadu,”Euklidis apela.
Tuir planu KEFA hamutuk ho povu iha Fatuberliu sei halo asaun demostrasau iha loron 20 de Maiu.
Too notisias ne’e hatun ekipa radioonline seidauk halo konfirmasaun ba Adminstador Sub-Distritu Fatuberliu.
Discussion about this post