Radio, online – Estudante husi universidade UNTL, UNDIL hamutuk ho juventude Parlamentu Foin Sae iha tempu badak sei partisipa konferensia Internasional iha Brazil ho naran Rio+20 de Janeiro hanesan feiraba juventude tomak.
Antes atu aranka ba Brazil estudante ho juventude Parlamentu Foin Sae sei iha loron ida sei halo workshop iha salaun Auditorium UNTL foin lalais ne’e (4/5). Worshop ne’e mos ho tema “juventude Timor-Leste Ba Desenvolvimento Sustentavel.
Edmundu Veigas, Vice Reitor UNTL ba asuntu akademiku hateten, workshop ne’e ho nia objetivu tolu maka hanesan atu halibur hamutuk hodi fahe informasaun, atu sensiabiliza malu konaba dezafius saida maka Timor-Leste infrenta no atu alkanza desenvolvementu sustentavel.
Iha identifika ne’e mak oinsa juventude sira iha ona no kapasidade saida maka juventude sira presiza tan, juventude sira hamutuk atu kria plata forma ida hodi reprejentante Timor-Leste iha forum internasional ida iha Rio+20 ne’ebe maka sei halao iha Rio de Janeiro, Brazil,iha fulan Junho de 2012.
Iha parte seluk Mikiko Tanaka Nudar Country Diretor husi UNDP husu ba juventude sira ne’ebe atu partisipa iha konferensia Rio+20 tenke aporfeita oportunidade ne’ebe maksimu no hasae sira nia lian no ideias ho nasaun seluk hodi nune bele hadia desenvolvementu sustentavel iha Timor-Leste.
Hong Wei Reprejentante husi UNICEF iha Timor-Leste ne’ebe partisipa mos iha workshop ne’e hateten katak sira prontu atu fo apoio nafatin ba juventude no labarik tamba sira iha papel ida importante tebtebes atu kontribui ba paz nomos desenvolvementu iha nasaun ida ne’e.
Vice Ministru Ekonomia Dezenvolvimentu, Cristiano da Costa ne’ebe maka loke workshop ne’e dehan, ho topiku juventude Timor-Leste ba dezenvolvimentu sustentavel ne’e importante teb-tebes ba nasaun ida ne’e.no nia mos husu agradese barak ba UNDP no UNICEF nia apoio atu involve Timor-Leste ba preimeiru ves atu ba tuir confrencia Rio+20 iha Brazil.
Discussion about this post