Radio, online – Governu Timor-Leste halao konferensia Internasional durante loron rua dia 25-26 Abril 2012 konaba pas no rekonsiliasaun iha kontinental Asia. Iha okaziaun ne’e Primeiru Ministru (PM) Kay Rala Xanana Gusmao husu ba povu tomak iha nasaun ne’e kaer metin pas no rekonsiliasaun hodi hari nasaun ne’e moris iha prospriedade.
Konferensia loron rua ne’e halao iha Dili Convention Centre eis merkadu lama Dili, Kuarta, (25/4).
Tema ba konferensia ne’e mak “Promove rekonsiliasaun buka pas prosperidade iha Asia. Konfrensia Internasional ne’e hamutuk entre ICAPP-CAPDI.
Konferensia ida ne’e ho objetivu atu promove pas iha rejiaun Asia, nune’e mos promove rekonsiliasaun entre komunidade asia sira liu husi troka ideas no esprensia tuir ideologia no fiar ne’ebe nasaun asia sira iha.
PM Xanana mak loke seremonia Internasional ne’e . Iha oportunidade ne’e xefi governu dehan, Timor-Leste nudar ezemplu ida ba pas no rekonsiliasaun importantente tebtebes ba nasaun sira nasaun seluk. Alende ne’e mos Timor Leste foti ezemplu positivu hodi aplika iga vida moris nudar nasaun.
“Ita Timor-Leste tau matan maka’as atu halo rekonsiliasaun. Rekonsiliasaun laos deit ho ita nia inimigu maibe rekonsiliasaun mos iha uma ita nia uma laran,” PM Xanana akresenta.
Prezidente nomos fundador ICAPP no CAPDI Jose Venecia reafirma, bainhira kolia konaba pas no rekonsiliasaun iha Asian, Afrika, Amerika Latina no Amerika do Norte ne’e ezemplu bo’ot rua ba mundu mak ne’e sai sai Ezemplu maka Timor-Leste no Cambodia.
Venecia husu ba povu Timor-Leste keta haluha ida ne’e tamba ida ne’e husi parte istoria ida liu husi vitoria no esperansa.
Bainaka espesial iha konferensia Internasional, Vise Primeiru Ministru Cambodia Hun Sen fo orguilhu ba partisipasaun povu iha eleisaun Prezidensial ne’ebe tau valor ba sistema demokrasia no hadok-an husi violensia. Dalan ne’e mak refleta tebes ho konferensia Internasional ne’e.
“Timor oan iha duni kompromisiu atu hari’i pas no rekonsiliasaun iha ninia rain rasik,”dehan Hun Sen ho esperensa.
Iha konferensia Internasional ne’e hetan partisipante husi nasaun 16 ne’ebe mak TL sai uma nain.
Discussion about this post