Radio, online – Projetu hari rin elektrisidade oliu pezadu ne’ebe mak implementa hosi kompana Habelar Unipessoal Lda iha Suku Ponilala Distrito Ermera ne’ebe la halo hotu nia servisu, alias abandona.
Kestaun ne’e foti husi Assosiasaun Estudante Universidade Distritu Ermera (ASSER) liu husi Porta Voz Jorge Madeira Kuarta, (25/4) iha Universidade Oriental Timor Lorosa’e, (UNITAL)
Jorge hatutan, servisu ba projetu oliu pezadu ne’ebe mak kompanha servisu hanesan hari rin eletrisidade no dada fiu hosi besi rin oli pezado ba uma. Servisu hirak ne’e la lao hodi husik hela deit.
“Ami hosi ASEER fo sai katak iha uma kain 111 husin aldeia 3 mak fiu elektrisidade tama ona. Maibe iha uma kain 48 husi aldeia Hatuposi no Sakoko seidauk fiu eletrisidade seidauk dada totalmente,”Jorge esplika.
Iha fulan kotuk ASEER halo ona konferensia pers maibe to’o agora Sekretariu estadu rasik la fo resposta klaru ba ASSER no Director Kompana mos la hato’o informasaun lolos.
Durante ne’e ASSE seidauk hasoru Sekretariu Estadu maibe EDTL Nasional. Jorge rasik ba hasoru direitamente ho Diretor maibe, Diretor dehan iha tempo badak sei atende problema ne’e.
“Ami lamenta ho informasaun ne’e fo sai hosi Xefe do Suku Ponilala katak asesu ona ba eletrisidade 100% maibe na realidade informasaun ne’e la lo’os,”Jorge kestiona.
Porta Voz ne’e husu ba Sekretariu Estadu Eletrisidade Agua e Urbanizasaun (SEEAU) atu foti medida ruma ba kompana Habelar Unipesoal Lda, atu bele responsabiliza ba nia servisu ne’ebe mak hala’o seidauk hotu to’o agora sei abandona.
Nia reforsa, karik SEEAU la foti medida lalais ASEER sei organiza komunidade hodi hala’o asaun pasifiku hodi kontra Xefi Suku, ho Kompana Habelar Unipesoal Lda no Departamentu SEEAU iha Distrito Ermera iha tempo badak.
Discussion about this post