Radio, online – Comisaun Nacional Elesoens (CNE) prepara ona formularios ba Partidus Politikus (Parpol) ne’ebe atu halo koligasaun iha eleisaun parlamentar mai ne’e.
Prezidenti CNE Faustino Cardoso ba jornalista Tersa, (23/4) wainhira partisipa desizaun tribunal ba Kandidatu Independete Taur Matan Ruak sai Prezidenti da Republika hodi dehan, parpol sira ne’ebe mak hakarak halo koligasaun agora dadun bele ba foti formulariu ni priense tuir kriteria tamba parpol halo koligasaun sei taka iha dia 1 fulan oin mai.
“Ami iha ona fomularia atu sira ense tamba ne’e, ami husu ba partido sira para komesa agora hatama ona dokumentus. Partidos ne’ebe halo koligasaun bele hatama ona, tamba iha loron 2 fulan Maiu CNE la simu ona dokumentus koligasaun tamba tuir lei nia durasaun loron 20 deit,”Faustino esplika .
Faustino hatutan, CNE sei hamos simbolus sira ne’ebe husi eleisaun prezidensial nian ne’ebe sei taka iha fatin fatin iha teritori tomak tamba CNE haruka ona karta ba kandidatura sira dala rua ona.
“Ami iha ekipa ida integardo ne’ebe kompostu husi CNE, PNTL, Sekertariu Estado Meiu ambiente, Sekertairu Estadu Seguransa no mos administrasaun Distrital Dili husi dirasaun SAS nian hodi hamos simbolus no hasai tiha pamfletu sei taka iha kintu kantu,”dehan Faustino.
Discussion about this post