Radio, online – Parlamentu Nasionál(PN) iha segunda (23/04) liu husi sesaun plenária, aprova rezolusaun ida hodi hasai imunidade Ministru AMP husi Partido Demokratiku (PD), Ministru Administrasaun Estatal no Ordenamentu Teritoriu (MAEOT), Arcangelo Leite.
Prezidente PN, Fernando La Sama de Araujo dehan, suspensaun imunidade ba Ministru Arcangelo ne’e, halo hodi fo tempu ba julgamentu to’ot dezisaun final hasai husi tribunal.
Imunidade ne’ebé PN hasai liu husi sesaun plenaria ne’e, signifika katak, Ministru Arcangelo sei ba partisipa iha prosesu julgamentu ne’ebé Tribunal Distrital Baucau akuza ba nia kona ba kazu mal administrasaun no korupsaun.
Iha votasaun, deputadu sira kuaze husi Bankada AMP no opozisaun apoia hodi hasai imunidade Ministru Arcangelo Leite nian.
Deputadu Ozorio Florindo, husi Bankada FRETILIN husu ba meja wainhira hahu notifikasaun sai, prosesu ne’e hahu ona.
“Ita tenke hili, hahu notifikasaun sai prosesu ne’e hahu ona, se ita aprova to’o ona julgamentu,” nia hateten.
Aprovasaun ba rezolusaun lei hodi hasai imunidade husi Ministru ArcangeloLeite ne’e ho votus afavor haat nolu resin rua, kontra ida no absteinsaun ida.
Discussion about this post