Radio, online- Tribunal Rekursu (TR) fo legalidade tuir lei hodi desidi rezultadu eleisaun Prezidensial foin lalais ne’e katak Kandidatu Independente Taur Matan Ruak (TMR) sai ona Prezidenti ba periodu 2012-2017.
Prezidenti Tirbunal Rekursu Claudio Ximenes nia sevisu fatin Segunda, (23/4) Kaikoli, Dili hateten, Tribunal hare tia ona ba aktas husi CNE, katak buat hotu hotu lao tuir lei no hare mos katak apuramentu CNE lao los, tamba ne’e tribunal foti desizaun katak eleisaun iha diak 16-4-2012 validu no tuir lei.
Iha eelisaun ida ne’e iha eleitor ne’ebe tau tia naran atu vota hamtutuk ema rihun atus ne’en rua nolu resin hitu atus rua sia nolu resin lima. Husi eleitor sira ne’e eleitor rihun atus hat lima nolu resin walu atus hitu resin tolu mak ba vota.
Husi votus sira ne’e votus valido ne’ebe tama iha urna iha rihun atus hat, hat nolu resin sia atus walu hitu nolu resin sia. Votus branku iha rihun rua, rua nolu resin tolu. Votus nolu ne’ebe la vale iha rihun ne’en atus walu resin ida.
Rezulatadu ne’e kandidatu Francisco Guteres Lu-Olo hetan votus rihun atus ida hitu nolu resin hat atus hat resin walu ne’e responde ba pursentu tolu nolu resin walu virgula hitu nolu resin hitu.
Kandidatu Independente Taur Matan Ruak hetan votus rihun atus rua hitu nolu resin lima atus ha’at hitu nolu resin ida ne’ koresponde ba pursentu ne’en nolu resin ida virgule rua nolu resin tolu.
1). Lu-Olo = 174, 408 (38,77%)
2). TMR= 275, 471 (61,23%)
“Hau proklama katak kandidatu TMR ne’ebe eleitor sira hili mak sai Prezidenti da Republika, iha loron 20 de Maiu sei sai ita nia Prezidenti da Republika,”Claudio esplika.
Ikus liu desizaun tribunal sei haruka ba Jornal da Republika atu fo sai, tamba ne’e tribunal fo parabens ba Kandidatu TMR sai ona Prezidenti da Republika ba nasaun ne’e.
Discussion about this post