Radio, online – “Hau 100% konfia kandidatu Independente iha istoria tinan 10 sempre manan, tamba ne’e hau fiar katak hau manan sai ona Prezidenti da Republika ba nasaun ne’e iha periodu 2012-2017,”dehan kandidatu Independente Taur Matan Ruak (TMR) wainhira halo votasaun iha eskola Primaria Metiaut, tuku 10:13 otl.
Kandiatu Independente ne’e ba iha fatin votasaun akompaniha direitamente ho nia kaben Isabel Pereira no ekipa susesu.
Tuir TMR, Kandidatu nain rua mak avansa iha II ronda ne’e hanoin tomak atu manan, mais ida ne’ebe manan mak ida ne’ebe sei hetan votasaun barak mai husi votantes.
TMR iha nia espresaun kontente tebes tamba povu sira antuaziasmu maka’as hodi partisipa iha eleisaun ida ne’e hodi ezerse sira nia direitu atu vota no liberdade.
“Hau hein, rezultadu husi eleisuan ne’e sei fo positivu diak ba povu tomak no sei servisu maka’as ba nasaun ne’e,”Taur ekresenta.
Iha oportunidade ne’e TMR hato’o didikasaun espesialmente ba STAE, CNE, ONU no husi observadores sira ne’ebe halo servisu diak hodi mantein elisoens ida ne’e pasifiku hakmatek, hodi buat hotu lao diak.
Ikus lius, TMR nia mensajen ba povu Timor tomak kontinua mantein kalma disiplina, sivismu para dala ida tan Timor Lorosae fo exemplu ida diak ba mundu.
“Ita bele ita iha povu ida iha dignidade nasaun ida iha nia futuru ne’e importante tebes e Timor oan hotu tenke halo esforsu para fo kontribuisaun ida ne’e ba ita nia prosesu hametin demokrasia no liberdade iha ita nia rai,”dehan Taur hodi hakat fila ba nia hela fatin.
Discussion about this post