Radio, online – “Ha’u optimista sei manan no sai presidenti ba periode 2012-2017 tamba hau haree no povu fiar ha’u durante kampainia, no saida mak ha’u sei halo mak buat ne’ebé ha’u fó sai ona ba públiku tomak durante periodu kampainia nian,” dehan Kandidatu Prezidente husi partido FRETILIN, Francisco Guterres “Lu-Olo” hateten ida ne’e hafoin vota iha SD Farol Dili ohin (16/4).
Iha segundu ronde ida ne’e mais determinante liu tamba hela kandidatu nain rua deit ne’eduni povu tenke determina ninia vitoria rasik, dehan nia.
“Ha’u sei sai prezidente ba povu hotu e ha’u prezidente atu bele garante paz no estabilidade iha Timor-Leste no mós atu bele halao dezenvolvementu kopera hamutuk organ soberania sira seluk hotu,” dehan nia.
Kandidatu presidente ho numeru sorteu ida [1] ne’e, to’o iha sentru votasaun SD Farol Dili iha oras 7:23 ne’e akompainia husi nia kaben rasik no Prezidente interinu partido historiku FRETILIN, Mari Alkatiri e no militante sira balu.
Armando Castro nudar komunidade nia sente kontenti tuir elisaun segundu ronde hodi bele hili sira nia prezidenti atu nune bele lori nasaun ne’e ba oin no paz iha nasaun ida ne’e.
Tuir nia hare, iha elisaun premeiru no segundu ronde iha difrensia tamba iha segundu ronde eleitór barak mak la tiur vota tamba hetan difikuldade trasporte.
Iha sentro votasaun SD Farol estasaun hamutuk haat no kandidatu PR Lu-Olo vota iha estasaun 1.
Reprezentante ONU nian iha Timor-Leste, Ameerah Haq tu’un direitamente halo observasaun ba prosesu elisaun refere iha sentru votasaun farol.
Loron 16 Abril nudar loron ikus ba povu tomak atu hamrik hodi vota ba kandidatu nain rua iha segundu ronde hodi bele sai lider numeru ida [1] atu ukun nasaun otas nuran ida ne’e.
Discussion about this post