Radio, online – Comunidade Pais Lingua Portuguesa (CPLP) foti desizaun ba Prezidenti Republika Jjose Ramos Horta ne’ebe iha fulan hirak nia laran atu husik nia kargu sei dezloka ba nasaun Guine Bissau sai hanesan mediador tamba mosu violensia iha prosesu eleisaun nia laran.
Informasaun ne’e PR Horta ba jornalista iha sentru votasaun eskola Primaria Metiaut wainhira remata fo nia votus, Segunda, (16/4).
“Hau simu telepfone husi militar Guine Bissau husu atu halo mediasaun ba sira tamba ne’e nia mos kontak ona ba Ministeriu Negosiu Estranjeiru Guine Bissau no CPLP nomos Komunidade Africa Rejional konkorda atu hau ba halo mediasaun. Maibe importate mak militar sira rasik hatudu konfiansa sa ba hau,”Horta esklarese.
Iha oportunidade ne’e hanesan Prezidenti da Republika nomos Premeadu Nobel da Paz husu ba povu Timor oan hotu tenki simu rezultadu eleisaun II ronda mai ne’e. Horta lakoi atu mosu violensia ruma hodi sunu ema nia uma, hakanek ema no halo intimidasaun, ne’e krimi tenki hatan tuir lei.
Horta firmeza lakoi TL sai hanesan buat saida mak mosu iha Guine Bissau ne’ebe ninia problemas hun mai husi eleisaun nian ne’ebe povu iha ne’eba moris iha violensia nia laran.
“Hau nafatin apelu ba povu sira atu lalika halo ameasa ba malu. Ita nia nasaun laiha problemas ONU sai ona husi TL no ita presiza hadia ita nia moris hanesan nasaun Independente,”Horta komenta.
Atu remata Prezidenti hela deit fulan hirak nia laran ne’e husu ba Prezidenti foun mai odamatan Prezidenti nian tenke nakloke ba povu, atu nune’e povu bele sente prezidenti nia knar no Prezendenti mos tenke besik ba povu para bele hatene sentimento povu no povu nia hakarak.
Discussion about this post