Alkatiri: “Xanana Halo Politika Foer”

Radio, online – Prezidenti Interino partido historiku FRETILIN Mari Amude Bin Alkatiri iha Kampaina II ronda iha Dili, Kampo eis TNI 744 Becora hodi dehan Prezidenti partido CNRT Kay Rala Gusmao halo politika foer hodi le’e fali Short Massage Service (SMS) ne’ebe Alkatiri haruka ba Diretor STAE, Tomas Cabral.

Ekipa susesu ne’e dehan, Xanana mak lao ho hau, tamba hau tuir ona dalan tomak. Ukun nain sai  Primeiro ministru, sai sidadaun normal kontribui nafatin ba  paz no estabilidade .

“Hau dezafia Xanana aban bai rua lakon nia atu halo saida? Xanana sai fali reitor,”Alkatiri komenta.

Alkatiri hatutan,  sa Primeiru Ministru ida ba le’e fali ema seluk nia SMS,  sa etika mak ne’e, sa kategoria mak ida ne’e,  tamba Alkatiri haruka SMS ba Tomas Cabral depois haruka ba Xanana hodi le’e iha kampaina nia laran.

“Hau rasik sei haruka SMS ba Xanana, Xanana halo politika foer la mai kampaina ho vizaun, la mai kampaina ho plano, hatun deit ema nia dignidade. Ita nia kandidatu iha ona provas katak ulun la mamuk ema balun hakilar dehan Lu olo kakutak mamuk. Hau dehan ba Xanana ita bo’ot lao pasu ida, se mak mate,  loke dalan ba ita bo’ot, FRETILIN duni. Ita bo’ot nia ain fatin ita hotu hatene, ain fatin iha ai laran foho lolon ami hatene to mai Dili. Ami mos bingun, halo nusa mak to’o mai Dili, rezultadu ita hotu hatene,”Alkatiri konta sai ba massa simpatizantes Prezidensi Lu-Olo nian.

Alkatiri haktuir tan, Xanana dehan FRETILIN mak ataka nia, FRETILIN nunka ataka Xanana Alkatiri prezia aprejenta faktus. Alkatiri dehan iha deskursu iha dia 23-Marsu 2006 Xanana  hodi fahe rai ne’e ba loro monu no loro sae. Alkatiri husu Xanana diak liu lalika provoka fali, deskurus 23 Marso 2006.

Prezidenti Interino FRETILIN ne’e kontinua katak, agora dadaun akontese iha Maliana ema sosa votus, horseik hori bain rua iha Suia lori osan ba sosa votus. Iha Dili fo orden ba Xefu suku sira para mobiliza povu mai tuir kampaina Taur Matan Ruak nian.

“FRETILIN mana iha eleisaun 2007 ema hadau tiha,  FRETILIN nunka halo ameasa. Ema dehan Lu-Olo nia ulun nakonu ho lei, Xanan dehan nakonu ho lei nusa la sai advogadu. Biar nune Lu-Olo sei sai duni advogado ba povu hot-hotu atu bele lori ema sira halo korupsaun ba prizaun Becora,”Alkatiri komenta.

Ikus liu Kandidatu Prezidensial partido FRETILIN ne’e husu ba apoiantes, militantes no simpatizantes iha dia 16 de Abril tenki matan mos ba elitor sira wainhira ba vota tenke hare didiak.

“Hau la koi dun ema maibe hau deskonfi buat hotu hotu, hau tauk mak keta dala ruma bulletin de votus balun ba hiker tia rua tolu ba hatama iha kaisa votus, to’o kontazen mak Taur dala 10 mak foin Lu Olo. Tamba ne’e imi tenki matan mos no labele ba tur dok fuma sigaru hodi la tau matan. Iha eleisaun primeiru iha Dili ahi derepente mate, buat hirak ne’e hotu tuir lei ne’e krime. Kamarada sira tenke konsenti hotu iha sentru votasaun kontazen to hotu,”Lu-Olo apela.