Radio, online – Relasiona ho deklarasaun Prezidente da Republika Jose Ramos Horta ne’ebe fo sai liu husi media ba publiku sira katak governo tenki fasilita transporte ba eleitores sira atu partisipa festa demokrasia II ronda, tamba ne’e estudantes universidade oriental timor lorosae(UNITAL) total hamutuk 5.767 husu ba governo tenke fasilita transporte ba eleitores sira nebe iha kapital hodi ba tuir eleisaun geral Segundo ronde iha ida-ida nia suku no fila tenke ho transporte governo ninian nafatin dehan Porta voz Alipio Mau-caca liu husi konferensia da imprensa iha Kampus UNITAL Becora Dili, Kinta, (12/4).
Porta voz ne’e konfesa liu tan katak transporte nebe governo prepara ba eleitores sira, liu-liu estudantes tenke lori sira ida-idak to’o nia suku hodi tuir eleisaun.labele husik hela sira iha sira nia suku wainhira eleisaun hotu ona tenke lori fila fali sira husi ida-idak nia suku atu mai fali kapital, tamba estudantes fila husi sira nia suku transporte ba sira la iha.
Relasiona ho realidade nebe mak governo fasilita transporte ba eleitores sira nebe iha elesaun primeiro ronde ne’e hatudu katak ladiak ,tamba ne’e estudantes UNITAL husu ba governo tenke fasilita sira didiak no lori fila sira mai iha kapital, se governo lafasilita sira maka sira hasoru desafiu bo’ot mak hanesan transporte la iha no demora ba sira nia estudu lor-loron.
“karik governo lafasilita transporte ba ami estudantes UNITAL ba mai maka ami sei la tuir eleisaun Segundo ronde iha dia 16 de abril de 2012 no ami husu ba governo tenke prepara transporte mai iha ami nia kampus UNITAL iha dia 14 de abril de 2012,”sujere Alipio.
Iha parte seluk Euklidis Torrezao hateten katak se wainhira governo sei la lori sira fila mai iha kapital mak sira sei fila mai sei halo asaun pasifika hodi hasoru Estadu no governo ida ne’e.
Discussion about this post