Radio, online – Liu husi soreitu ba dala rua iha eleisaun Prezidensial husi kandidatura tama ba II ronda, iha Tribunal Rekursu fo fo sai katak Kandidatura Francisco Guterres ‘Lu-OLo iha numeru 1 no kandidatura Taur Matan Ruak (TMR) nafatin ho numeru 2.
Prezidenti Tribunal Rekursu Claudio Ximenes dehan, bazeia ba rezultadu husi CNE katak, iha kandidatura nain rua mak tama ba II ronda iha eleisaun Prezidensial.
“Kandidatu Lu Olo tama ba bulletin de votus primeru no kandidatu Taur Matan Ruak tama ba bulletin de votu segundu,” Claudio fo sai.
Claudio Ximenes imforma, kandidatura nain rua ne’e mak sei kompete fali eleisaun II ronda no desizaun ne’e sei fo sai iha jornal da Republica no sei kopya ba CNE no STAE .
Wanhira Foti desijaun ne’e Prezidentin Tribunal Claudio Ximenes , Maria Natercia Gusmao Perira no Guilhermino da Silva partsipa mai husi STAE, CNE no reperezentante kandidatura nain rua nian.
Discussion about this post