Radio, online – Grupu Petisionairu hanesan eis military hamutuk 450 deklara sira nia konfiansa hodi fo apoiu ba Kandidatura Taur Matan Ruak (TMR) atu sai Prezidente Republika periodu 2012-2017 liu husi eleisaun Prezidensial II ronda mai hodi kompete ho Kandidatura Francisco Guterres ‘Lu-Olo.
“Ami pronto no supurta hamarik hamutuk ho maun Taur, no husu iha votasaun ita labele tauk no ho amiasa, tanba ita tomak maka tenki hametin paz no dame, no fiar ba ita nia polisia, F-FDTL, no fo fiar ba CNE no STAE halao servisu,” informa Portavos Eis Militar Major Marcus Evangelista Tilman liu husi deklarasaun politika iha sede ekipa susesu TMR Taibesi Dili, Tersa (27/03).
Marcos dehan, eis military nudar sidadaun TL, tanba tuir lei iha dereitu atu fo apoiu ba Taur Matan Ruak.
Tuir nia katak, rajaun fo apoiu ba Taur, tanba Taur hanesan kandidatu nebe mai husi ema independente, hakarak hakoak ema hotu, la hare ba ema nia kor, ras obsaun politika no organizasaun nebe deit.
Nia dehan, Taur iha nia kampaina mai ho programa estrateziku nebe klralu fo fiar ba povu tomak,
Tuir nia katak, Taur iha nia kampaina primeiru vota, hato nia vizaum, ho moto “Uluk Imi Fakara Ran Ba Ukun Aan, Tansa Hikis Kosar Imi Iha Fali Kotuk,” nudar mensagen importanteba Timor oan atu hamutuk hadia nia rain.
Tuir eis military sira katak, se Taur sai prezidente sei hametin estabilidade no paz, tanba sira aproveita apela ba povu tomak atu labele bolu sira nudar eis petisionariu, maibe eis military.
“Ami husu ba povu tomak hahu Jaco to Oecusse, Tasi Feto Jaco no Atauro atu haluha tiha liafuan petisionariu no uja eis military deit,” Eis Major Marcos deklara.
Iha fatin hanesan Kandidatu Prezidente, Taur Matan Ruak hato agradese ba apiu nebe eis military sira fo ba nia.
“Hau agradese ba imi (eis military) baihira soe hela hau, hau tristi, tanba imi la hanoin sofrementu nebe familia bo’ot F-FDTL hosoru, foin dadauk hau husik hela sira, mos hanesan, hau fera hau nia fuan sori ba sira, ida lori mai povu,” dehan Taur.
Taur dehan, bainhira mai iha vizita politika nia mai ho hanoin ida deit, oinsa maka forsa povu bele hamutuk. “Hau dehan, ba fatin hotu- hotu, ita fahe malu, ema hamnasa ita, ita hamutuk ema sei la fahe ita,” katak Taur.
Taur hatutan katak, futuru tenki diak fali iha futuru mai, tanba ne’e, Taur agradese ho apoiu eis military nebe fo apoiu ba nia kandidatura.
Taur dehan, nia sei lori nafatin konfiansa nebe fo ba nia nia sei la monu ba rai, tanba tuir Taur katak iha tinan
“Hakarik buat ruma ladiak imi perdua hau, sira nebe diak, imi fo apoiu ba hau atu ita hotu-hotu servisu ba ita nia rain. Imi idak-idak lao ketak-ketak imi nia lian la forti, imi hamutuk imi nia lian sei forti, no imi mobilize imi nia moris hametin paz no dame, hodi fo benevisiu ba povu,” tenik Taur.
Taur mos konkorda ho eis military sira nia hakarak hodi husu ba povu tomak atu labele bolu sira nudar eis petisionariu, maibe eis military.
Hafoin halao deklarasaun, Taur kaer liman ho eis military sira ho sentimentu tristi, bainhira hanoin fali pasadu nudar forsa.
Discussion about this post