Radio, online – Kandidatura Prezidensial Maria do Ceo Lopes da Silva husu ba Comisaun Nasional Eleisoens (CNE) atu lalika koa osan hodi hasai razaun oioin no arbiru deit.
Tuir Kandidatura iha eleisaun hetan votus 1.82 (0,40%) osan ne’ebe fo ne’e estadu nian laos CNE nian, ne’ebe osan hirak ne’e tenki fo hotu atu nune’e kandidatura sira atu halo relatoriu ba governu.
“Hau husu ba CNE labele koa kandidatura nia direitu husi orsamentu estadu nian ne’e. Husu mos ba kolega sira mak lakon ona iha eleisaun mai ne’e tenki hasai hotu spanduk iha estrada ninin,”Maria rekomenda iha salaun enkontru CNE iha Balide, Segunda, (26/3).
Iha fatin hanesan Prezidenti CNE Faustino Cardoso husu ba kandidatura sira atu simu osan subsidiu kompletu tenki tuir rerulamentu dehan katak spaduk no panfletu sira mai sei iha publiku nia le’et tenki hasai hotu.
“Ami sei pendente ba kandidatu sira ne’ebe mak sira nia panfletu no spanduk sei monta hela iha publiku nia le’et,” Faustino komenta.
Depois eleisaun tuir CNE nia monitorizasaun sei iha simbolu husi kandidatu sira seluk ne’ebe la tama ba segundu volta, barak sei estrada ibun, iha fatin publiku nian. Hanesan iha Colmera, Comoro no sira seluk.
CNE husu atu hasai tamba kampaina ba kandidatura sira ne’ebe la liu hotu ona. Alende ne’e mos spanduk sira tenki hasai atu nune’e labele taka iha sinanis trazito, atu bele hamosu asidente trafiku.
Discussion about this post