Radio, online – Sosieadade Sivil Luta Hamutuk (LH) husu ba IV governu atu konsistensia uza Orsamentu Geral do Estadu (OGE) 2012 hodi halao duni dezenvolvimentu nasaun ho hadia povu nia moris.
Diretor LH Mericio Akara kasu lia hirak ne’e liu husi konferensia da emprensa iha nia knar fatin Farol Tersa, (27/3).
Iha OGE 2012 ne’e governu halo planu /programa prioridades 7 ne’ebe mensiona iha livru Orsamentu Geral do Estadu (OGE) 2012 mak hanesan Infranstruktura bazika, dezenvolvimentu rural, dezenvolvimentu rekursu humanus, asesu justisa, service delivery to the public, good governance no seguranca /estabilidade.
LH konsedera iha 2012 governu propoin osamentu ne’ebe bot hamutuk biliaun $1.6 hodi finansia planu prioridades hirak ne’e. Maibe iha tempu mak hanesan governu mos presiza halao agenda politika rua mak inportante mos, mak hanesan Eleisaun presidensial ne’ebe lao II ronda nomos eleisaun legistalivas ne’ebe sei halao iha fulan Jullu oin mai.
Relasiona ho agenda politika /festa demokrasia ne’e, Luta Hamutuk preokupa tebes ho kualidade ezekusaun osamentu geral do estadu ba tinan fiscal 2012 nian,ne’ebe aprovadu ona hamutuk Biliaun US$ 1,6 Dolar amerikanu,bele dehan mos katak montante osamentu ne’e mak boot liu durante hahu husi ano fiscal 2002 ate 2012 dehan Director Luta Hamutuk Mericio Akara liu husi konfrensia da imprensa 27/3/12.
Mericio hatutan katak inisiu proposta osamentu geral do estadu ne’ebe governu hato’o ba parlamentu nasional.
Luta Hamutuk rasik deklara ona katak ezekusaun OGE ho montante bot ne’e sei la lao ho efektivu tamba kapasidade ezekusaun governu ne’ebe mak sei limitadu tebes.alen de ne’e luta hamutuk mos preokupa ho tempu ne’ebe sei la sufisiente ba governu atu halao ezekusaun programa tuir planu.maibe governu kontinua nafatin no hetan aprovasaun husi parlamentu nasional.
Director Luta Hamutuk afirma liu tan katak realidade hatudu katak fulan tolu ona (Janeiru-marsu)governu foin mak ezekuta osamentu hamutuk Miliaun US$ 226,9 dolar amerikanu (13.5%)husi Biliaun US$ 1,6 dolar amerikanu, LH fiar katak hahu husi fulan abril to Dezembru (fim do ano).governu sei lakonsege ezekuta hotu osamentu ho diak tamba governu rasik sei infrenta aktividade politika presidensial no legislative ne’ebe sei prejudiku kualidade ezekusaun osamentu.
Luta hamutuk kestiona ezekusaun governu ba tinan 2012 ho osamentu ne’ebe bot tamba iha tinan kotuk 2011 iha programa /projetu PDD I no II barak mak reapropriasaun fali ba tinan 2012 tamba la konsege ezekuta hotu programa prioridades hirak ne’e tinan 2012.
Tamba ne’e luta hamutuk husu ba orgaun kompetente atu halo kontrolu forte ba ezekusaun osamentu estadu tamba nesesidade politika ne’e bele kria money politic iha ita nia rain,nune osamentu ne’ebe kada tinan aprova sei la benefisia ba povu maibe benefisia deit ba ema balun deit nia interese politika.
Discussion about this post