Radio, online – Polisia Distritu Dili, Unidade Task Force atua konfrontasaun entre joven Rebal ho Kristal Suku Marcarenhas tuda malu. Iha atuasaun ne’e polisia konsege tiru pistola dala tolu ba leten hodi hakalma situasaun.
Konfrontu entre joven ne’e dia 25 de Marsu kalan tuku 21:15otl. Motivu konfontasaun tamba aveita husi problemas uluk nian, ne’ebe joven sira rai odiu ba malu.
Iha fulan kotuk joven husi parte bairo Rebal ho Kristal ba festa iha Kaikoli tamba hemu tua manas ran la kontrola an no sira sadik hodi baku malu.
Iha atuasaun task force ne’e konsege kaputra joven nain rua husi parte rebal ho Kristal, tamba autor nain 2 ne’e mak sai problemas nia hun.
Jornalista husi radioliberdadedili. com halo kobertura ba asidente ne’e hetan hakilar husi membru task force hodi hatete, hei jornalista nusa mak o la halo kobertura ba ema ne’ebe halo korupsaun , maibe o halo kobertura ba ami ne’ebe halo ami nia kna’ar.
Tuir joventude ida ne’ebe la koi publika nia identide dehan, hanesan joven triste tamba sira tuda malu halo inan aman la hakmatek no polisia tiru fali pistola halo komunidade sai trauma fali.
Tenta atu konfirmasaun asuntu ne’e ba Komandante Distritu Dili, maibe labele konsege tamba iha tempu kalan.
Discussion about this post