Radio, online – Parlamentu Nasional (PN) horseik Tersa, (20/3) hasai tiha ona Ministra Justisa Lucia Lobato nia imunidade hodi fo lisensa ba hatan iha tribunal tuir akuzasaun husi Ministeiru Publiku ba tribunal, ne’ebe deskonfia halo pratika korupsaun.
Foin lalas ne’e tribunal la konsege halo julgamentu ba Ministra Justisa tamba ninia imunidade seidauk hasai. Liu husi votasaun ba imunidade liu husi projetu ba rezolusaun numeru 87/11.
Meza PN halo votasaun. Deputadu hamutuk 36 mak afavor, kontra 2 no abtensaun 1. Ne’ebe signifika katak, Ministra Justisa ninia imunidade laiha ona no kazu ne’ebe nia hasoru tenki ba hatan iha tribunal, see wainhira presiza tenki koopera.
“Ita tenki halo hanesan ne’e duni, atu ema hotu iha nasuan ne’e kiik ka boot tenki iha lei ne’e nia okos,”Prezidenti PUN Fernanda Borges komenta.
Akuzasaun Ministeriu Publiku hasoru Ministra Lucia Lobato pratika halo korupsaun hanesan Ministra Lucia Lobato uza poder fo projetu ba nia kaben hodi manan projetu sosa farda ba prizioneirus sira. Alende ne’e mos halo moru hodi haleu iha komarka Becora no Gleno ne’ebe kontra lei tendernizasaun nian.
Discussion about this post