Radio, online – Grupo proklamador ne’ebe forma husi Saudozu Proklamador Francisco Xavier do Amaral , liu husi porta voz Arlindo Marcal hakat ba Comitte Central Fretilin (CCF) hodi fo apoiu ba Kandidatu Francisco Guterres ‘Lu-Olo’ hodi sai prezidenti iha segundu ronda, ne’ebe sei kompete ho Taur Matan Ruak.
Grupo Proklamador kompostu husi Arlindo Marcal, Hermegildo Kupa, Xefi bo’ot KORKA Naimori hakat ba CCF Kuarta, (21/3) ne’ebe simu dereitamente husi Sekertairu Geral Mari Alkatiri.
Iha ekontru ne’e, grupo Proklamador hakarak deklara ba Lideransa FRETILIN katak lideransa Bloko
Proklamador ho ninia militantes, apoiantes Timor Laran tomak atu fo apoio tomak ba kandidatu Francisco Guterres ‘Lu-Olo’ ba iha Eleisaun Presidensial II ronda.
Tuir Arlindo Marcal durante ne’e grupo proklamador nia hare saudozu Proklamador avo Xavi iha relasaun diak tebes ho lideransa partido FRETILIN. Durante iha kampaina politika ne’ebe FRETILIN koalia hanesan ho grupo proklamador nian.
“Ami mai apoiu Lu-OLo ba Prezidenti tamba ami iha misaun no vizaun ida deit ba povu ho nasaun ida ne’e,”Arlindo akresenta.
Iha fatin ne’e, Sekertariu Geral FRETILIN Mari Alkatiri dehan, FRETILIN ho nia kandidatu Lu-Olo odamatan nakloke ba partido ne’ebe deit, lahare partido ne’e ki’ik ka bo’ot, maibe importante mak hamutuk hodi avansa ba oin, hodi hetan saida mak partido hotu-hotu nia mehi, povu ho nasuan ne’e nia diak.
“Ami nia odamatan nakloke ba see deit mak mai atu apoiu ita nia kamarada Lu-Olo iha eleisaun II ronda mai ne’e,”Alkatiri apela.
Discussion about this post