Radio, online – Deputadu iha Parlamentu Nasional husi AMP no opozisaun ejiji governu atu iha tempu badak tenki altera lei eleitoral, hodi nune’e povu bele tuir eleisaun ho maximu.
Deputadu Inacio Moreira husi FRETILIN dehan, eleisaun halo povu barak mak la tuir ho maximu tamba obriga ema atu ba vota tuir geografia reseseamentu eleitoral.
Hare iha eleisaun foin lalais ne’e votantes barak mak la tuir eleisaun nomos impkatu husi dezastre natureza halo ema sai mate, hanesan iha Wailili alin feto ida mate, ai haneha.Tamba deit atu ba vota iha neba.
“Hau husu ba CNE atu no STAE iha tempu badak nia laran iha posibilidade atu altera lalais ba lei refere,“ Inacio apela.
Nune’e mos Deputada Getrudez Monis husi PD, lamenta tebes ba sistema eleisaun tinan ida ne’e at liu ho eleisaun tinan 5 ba kotuk tamba povu sira iha liberdade duni ejerse sira nia direitu.
“See ita haruka povu ba vota tuir sira nia reseseamentu eleitoral ne’e viola ona prinsipiu eleisaun nian ne’ebe dehan livre,”dehan Deputada PD ne’e.
Alende ne’e mos Deputadu CNRT Natalino dos Santo husu atu altera lalais ne’e, hodi nune’e povu barak bele ba tuir eleisaun tuir estadu de demokratiku.
“Ita hare iha eleisaun foin lalais ne’e ema barak mak la ba vota, kuaze iha 26% no ema barak ba foho hamosu tan problemas, satan iha tempuuidan hanesan ne’e, ne’ebe mosu dezastre naturais,”Natalino argument.
Discussion about this post