Radio, online –Tamba lei eleitoral iha eleisaun jeral 2012 iha mudansa bo’ot votantes sira sei ba halo votasaun tuir geografia reseseamentu eleitoral. Husi lei refere fo impkatu ba votantes sira iha kapital Dili. Atu eleisaun ema hotu tenki partisipa, Comite Central Fretilin (CCF) sai hanesan terminal ba pasajeirus votante sira atu ba vota iha ididak nia distritu.
Informasaun ne’e hato’o husi Porta Voz Distritu Viqueque, Octavio Gusmao iha sede CCF Comoro Kinta, (15/3) ba radioliberdadedili.com hateten katak, militante 200 husi distritu Viqueque atu tuir eleisaun prezidensial.
“Ami nia partido mak prepara kareta ba ami hodi ba halo votasaun, kona ba lei ami komprende tamba ida ne’e plano husi STAE no CNE katak ema ididak vota tuir nia geografia.”
“Ami tenke vota ba ami nia kandidatu tamba ami militante Fretilin nian mak organiza malu ami la organiza partido seluk mak ba vota,” Octavio esplika.
Mariano da Silva hanesan estudante hateten mos katak, ami laos sae kareta governu nian. ““ Ami la komprede tamba saida mak governo dehan katak tenke ba ididak nia suku mak vota. Konaba trasporte ne’e CCF mak prepara tamba sira hatene katak ami nudar militante Fretilin nian.
Iha fatin seluk Jose Belo membro husi ekipa susesu Kandidatura Prezidenti Taur Matan Ruak iha Tai besi dehan, informasaun kona ba, tula votante ba distrito ne’e la iha. Maibe ekipa susesu husi Taur nian prepra deit ba fiskais sira ba distritu.
Tuir observasaun iha tereinu, fatin ekipa susesu Taur Matan Ruak iha taibesi iha votantes balun ba husu atu ajuda transporte sira ba sira nia distritu hodi tuir eleisaun.
Discussion about this post