Radio, online – Kandidatu Prezidensial Taur Matan Ruak ho numeru sorteiu 2 konfia katak sei manan absoluta ho votus 50%+1, ne’ebe dehan segundu ronde sei laiha.
Taur ba jornalista hafoin tuir votasaun Sabadu, (17-3) iha eskola primaria Metiaut. Taur Matan Rauk ho noa kaben Isabel Pereira prezensa iha fatin votasaun tuku 9:30 otl, ho kondisaun udan subiska, maibe tuir linha hanesan sidadaun babain.
Antes votasaun Taur husu ba votante sira hili ba kandidatu prezidenti ne’ebe sira gosta. Maske mosu rumoris dehan iha kandidatu sira balu sosa votus fo osan no fos, maibe Taur la fiar ba kandidatu sira sosa votus.
“Hau la fiar sosa votus tamba uluk Indonezia sira sosa votus labele tamba sa mak ita sosa fali,”dehan Taur hodi hakat lao tuir linha.
Depois vota ba jornalista Taur konfia katak nia sei manan maske iha fatin votasaun ne’e marka prezensa mos Kandidatu Jose Ramos Horta.
“Konserteiza hau konfia manan iha fatin votasaun ne’e,”Taur dehan ho nein malirin.
Taur kontenti tamba kampaina lao diak, sivizu maka’as, pasifiku. Ne’e imporante ba Timor. Povu Timor dala ida tan hatudu katak nia bele lidera nia nasaun, nia bele lori nia nasaun ba moris diak.
Tamba ne’e Taur agradese ba Timor oan tomak, ba kandidatu hotu ne’ebe konkore ho nia. Maromak tulun ita hotu sei manan iha eleisaun ne’e.
Discussion about this post