Radio, Online – Durante kampaina husi Kandidatu Prezidensial (Kaprez), Komisaun Anti –Korupsaun halo monitorizasaun hetan informasaun konaba Kanprez sira iha hanoin no halo komprimisu politika atu kombate korupsaun iha nasaun ne’e.
“Hau orgulhu tebes ba kaprez sira iha politika diak tebes atu kombate korupsaun iha nasaun ne’e, sai hanesan isu nasional,”dehan Komisairu KAK Aderito de Jesus iha nia servisu fatin ba jornalista Kinta, (15/3).
Komisariu KAK ne’e hatutan, iha kampaina politika nia laran iha Kaprez barak mak evanta kestaun konaba korupsaun. Ne’e duni KAK senti orgulho katak, kandidatus sira hakarak levanta kestaun ne’e iha nasaun e nudar isu nasional.
Komisariu KAK ne’e fo prabens ba kandidatus sira hotu ne’ebe mak hakarak levanta isu korupsaun hanesan isu nasional.
KAK husu ba Prezidenti Republika foun see hakarak tebes atu kombate korupsaun, iha futuru Prezidenti tenki halao edukasaun kampaina sivika para oinsa hamosu ema nia konsensia konaba korupsaun hahalok aat.
KAK halao survei iha nasaun ne’e, ema hotu-hotu kolia konaba Korupsaun maibe dadaus konaba korupsaun ne’e menus tebtebes.
“Iha tinan 10 nia ami halo premeiru survei ne’e hatudu, ita nia koinesementu no ita nia konprendesaun konaba korupsaun ne’e sei menus tebtebes, ema lahatene saida mak korupsaun,”Aderito akresenta.
Entaun ho ida ne’e, Aderito halo apelu, ba futuru Prezidenti foun ne’ebe mak mai atu hodi asuntu korupsaun ne’e sai agenda nasional iha kampaina sivika ne’ebe mak bele involve sosiadade tomak.
Konaba investigasaun ba kazu korupsaun ne’e buat ketak ida, ne’e servisu esklusivu KAK no Ministerio Publiku nian.
“Kampaina atu hasae ema nia konsensia, hau hanoin importante ba Prezidenti Republika iha futuru atu hodi asuntu ne’e ba oin,”Aderito soe hela kestaun ne’e.
Iha relasaun ida ne’e komitmentu ba oin ba Presidenti Republika atu mos hola agenda ida para koalia ho Parlamentu foun noa governu foun mai konaba aset declaration. Dadaun ne’e aset declaration ba membro governu sira la iha mekanismu ida ne’ebe diak, para bele konfirma aset declaration ne’e to iha ne’ebe.
KAK propoin ba Prezidenti peirodu 2012-2017 atu hola mos agenda ida ne’e atu kolia didiak ho governu no Parlamento foun oinsa bele iha mekanismu ida diak aset declaration to’o iha nivel Diretor Geral ho Nasional.
“Aset declaration hau hanoin ida ne’e mak dalan importante ida atu prevene korupsaun,”Aderito komenta.
Discussion about this post