Radio, online – Atu hametin relasaun entre Austalia-Nova Zelandia (NZ) no Timor Leste governu lia husi Ambaixada Australia no Ambaixada Nova Zelandia iha TL loke bolsu estudu ba Timor oan nain 40.
Ambaixador Nova Zelandia mai TL Tony Fautua liu husi konferenia da emprensa Tersa, (06/3) iha hotel Timor ba jornalista dehan katak, governu NZ kontinua apoiu governu TL no ema timor oan liu husi programa apoiu bilateral.
“Area edukasaun hanesan komponente ne’ebe importante ba ami nian apoiu. Ami hotu rekonhese katak edukasaun no dezenvolvimentu kapasidade mak buat ne’ebe enselsial ba ema atu partisipa efektivamente iha dezenvolvimentu nasaun nian,”Fautua esplika.
Fautua hatutan, bolsus estudus ne’e fo ba Timor oan ho oportunidade atu foti estudu kursu aprovado iha ensino tertiario internasional ne’ebe mak akreditado iha NZ. Bolsu estudu ne’eiha ba nivel lisensiatura no post graduadu inklui masteradu no programa doutrado.
Katak nia, nova zelandia sei fo bolus estudu ba timor oan hamutuk sanulu resin lima ba estudu iha universitarius no institutu teknologia ida ne’e sei hasae numeru husi timor oan tolu nolu resin rua ne’ebe mak agora dadaun estuda hela iha nova zelandia no sanulu resin sia mak sei sai tinan ida ne’e ba hahu sira nia estudus iha nova zelandia.
Tamba ne’e nia lori governu Nova Zelandia hakarak enkrajen ba timor oan atu estuda areas sira ne’ebe mak presisa ba timor nia dezenvolvimentu nune’e ita bo’ot sira nia estudus bele fo benefisiu ba nasaun TL.
Nova Zelandia fiar katak, apoiu iha estudus terteria sei iha impaktu diak ba timor laos deit iha parte akademiku no ekonomiku maibe mis intermus husi dezenvolvimentu pesoal no haforte relasaun entre TL -NZ .
Iha parte seluk Ambaxador Australia mai TL, Miles Armitage hateten katak, bolsu estudu sira ne’e hodi kria oportunidade ba estudante Timor oan sira hodi hasae sira nia edukasaun no skiil halo kontribuisaun ba ba tempu naruk no dezenvolvimentu iha TL no hodi hasae numeru timor oan sira ne’ebe edukadu no iha talentu
Bolsu estudus tuir mai ba tinan 2013 sei loke hahu 2 -30 Abril 2012 aplikante sira tenki Timor oan kompleta ona ensinu sekundariu ka universidade no hatudu rezultado akademiku ne’ebe forte.
Armitage espera katak, liu husi apoiu sira ne’e bele hametin liu tan relasaun entre governu Australia-NZ ho TL.
Discussion about this post