Radio, online – Fundador ASDT/FRETILIN no Proklamador RDTL 1975 Francisco Xavier do Amaral fila hikas ona ba aman Maromak iha Tersa, (6/3, tuku 8:45 otl iha Hospital Nasional Guido Valadares (HNGV).
Tuir Pesoal da saude HNGV ne’ebe lakoi publiku nia naran ba radioliberdadedili.com Tersa, (6/3).
Avo Xavi hanesan mos Kandidatu Prezidensia ba periodu 2012-2017, ho numeru sorteiu 4.
Pesoal saude ne’e dehan, Avo Xavi ne’ebe durante ne’e hetan tratamentu saude iha VIP fila ona ba Aman Maromak hodi hakotu nia is, iha tuku 8:45 otl.Mate isin oras ne’e dadaun sei tau hela iha Mortuariu HNGV.
Tuir informasaun oras ne’e dadaun Prezidenti da Republika Jose Ramos Horta no Primeiru Ministru Kay Rala Xanana Gusmao ho lider politiku sira seluk komesa hakat ba dadaun iha HNGV hodi hare dereitamente mate isin, Avo Xavi nian.
Husi ekipa radioliberdadedili.com hato’o sentidu kondelensia ba Proklamador RDTL, atu Aman Maromak. simu nia iha kadunan santo. Adeus!!!.
Discussion about this post