Radio, online – Prezidenti Comisaun Nasional da Eleisoens (CNE) Faustino Cardoso husu ekipa susesu Kandidatu Prezidenti (Kaprez) Francsico Xavier do Amaral hapara ona kampaina pasifika tamba Kandidatu ho numeru sorteiu 4 ne’e fila hikas ba Aman Maromak iha Tersa, (6/3) tuku 8:45re iha Hospital Nasional Guido Nasional, HNGV).
“Hau husu ba ekipa susesu para ona kampaina pafisika husi Kandidatu Avo Xavi nain tamba Avo fila tiha ona ba Aman Maromak,”dehan Faustino ba jornalista hafoin rona novidade tristi ne’e.
Prezidenti CNE ne’e mos hatutan, ekipa susesu sira iha direitu hodi hetan orsamentu subsidiu ho valor kompletu U$10,000,”dehan Prezidenti CNE ne’e.
Tau Karimbu Kanseladu Iha Francisco Xavier Nia Fotografia
Iha fatin hanesan Diretor Servisu Tekniku Aadministrasaun Eleitoral (STAE) Tomas Cabral dehan, tamba Avo Xavier hanesan Kaprez ho numeru sorteiu 4 ne’ebe mak STAE produs tiha ona buletin de votus, STAE sei tau karimbu kanseladu iha naran ho fotografia avo Xavi nian.
“Ami iha tempu badak ne’e mos sei halo sosializasaun ba povu tomak atu hatene katak Kaprez numeru 4 kanseladu, hodi nune’e votantes sira la bele vota ba karimbu kanseladu ne’em”Tomas akresenta.
Avo Xavier tama iha HNGV semana rua ba kotuk. Avo Xavi mate tamba sofre moras kankru insentinus.
Discussion about this post