Radio, online – Kampaina Prezidensial ne’ebe lao loron lima ona iha teritorio Timor Laran tomak, iha ema deskuinesidu hasai spandok Kandidatu Prezidenti (Kaprez) Taur Matan Tuak (TMR) no kandidatu sira seluk iha Distritu Baucau.
Prezidenti CNE Faustino Cardoso infora lia hirak ne’e wainhira hasoru malu ho Partido politiku ho fiskais sira sira ho topiku “Progresu Lalaok Kampaina ba elisaun Prezidensial dia 17- Marsu – 2012, Segunda, (5/3), iha sede CNE Balide, Dili.
Tuir Faustino, hahalok ema deskuinesidu ne’e hanesa ne’e viola liberdade no propaganda ba eleisaun.
CNE nia observa iha Distritu Baucau Vila, Caravela no Wemasi iha ema bakun hatun tiha spandok no estraga.
Iha Dili, Suku Motael situasaun ne’e mosu mos ba kandidatu Abilio de Araujo. Kaprez La Sama nian espaduk mos ema hasai iha Baucau no iha Bobonaro suku Saburai. Kaprez Maria do Ceu nia ekipa susesu mos viola ona liberdade ba jornalista sira ne’ebe prende material jornalista nian.
“Hahalok sira ne’e hotu kontra liberdade ema nian no liberdade ba jornalista,”Prezidenti CNE kestiona.
Hatan ba kestaun ne’e Komandante Operasional Armando Monteiro hateten katak, kazu iha Baucau ne’e polisia hare ho matan, tamba ne’e agora dadaun iha ona investigasaun nia laran.
Iha oportunidade ne’e CNE husu ba Kaprez sira atu aprezenta nota bankaria hodi CNE kanaliza ona Subsidiu. Kada kaprez sei hetan U$10,000 (des mill dollares Amerikanu) hodi fasilita kampnaha tamba fo sai ona iha jornal da republika.
Discussion about this post