Radio, online – Bankaria Pagamentu Autoridades (BPA) transforma ba Banku Sentral Timor Leste. Pasu transformasaun ne’e hanesan pasu importante hodi ajuda ba prosesu dezenvolvimentu sustentavel nasaun TL ba iha futuru. Alende ne’e mos Banku Sentral garantia independensia intermos politika monitaria.
Lia hirak ne’e Lia hirak ne’e hato’o husi Vice Primeiru Ministru Jose Luis Guterres iha Transformasaun BPA ba Banku Sentral Timor Leste Tersa, (23/9/), iha edifisiu BPA, Dili.
Vice PM Jose Luis esplika iha transformasaun BPA ba Banku sentral hanesan eventu importante no istoriku ba mai nasaun Timor Leste, tamba ho Banku Sentral bele garantia jestaun sustentavel fundu petroliferu.
Iha fatin hanesan Prezidenti Republika Jose Ramos Horta iha ninia diskursu dehan, papel Banku Sentral ne’e importante tebes ba povo TL, hanesan nasaun soberanu hothotu iha mundu. Iha Banku Sentral ne’e iha autoridade, kreabilidade ne’ebe iha indepedensia importante kaer osan estado nian ho diak .
Xefi estado ne’e husu ba staff Banku Sentral kaer nafatin espiritu ne’ebe hatudu ona iha tinan sanulu nia laran ho didikasaun ne’ebe diak tamba ne’e kontribui nafatin ba povo TL.
Iha seremonia tranformasaun ne’e mos PR Horta ho Vice PM Jose Luis fo tomada de posse ba governador Banku Sentral Timor Leste Abrão da Vasco.
Abrão hanesan ema ne’ebe iha esperensia kleur ona, iha sentido de independensia profesionalismo kompetensia teknika hodi organiza Banku Sentral ne’e
Iha Banku Sentral Timor Leste ne’e imagen Moeda Comemorativa. Logo ne’e foti husi Karau Timor representante simbolu riku soin TL nian.
Moeda Comemorativa ne’e ho imajen liurai funu nain Dom Boaventura husi Distritu Manufahi, nudar simbolu nasionalismu. Dom Boaventura figura bo’ot istoriku Timor oan ne’ebe luta independensia .
Partisipante serimonia transformasaun ne’e Prezidente Parlamentu Fernando Lasama de Araujo, Presidente Partido FRETILIN Francisco Guterres Lu-Olo, Sekretario jeral Partido FRETILIN Mari Alkatiri, Membru Governu, NGO Nasional no internasional, no representante komando PNTL.
Discussion about this post