Radio, online – Ministra Justisa fo sai katak, Ministeiru Justisa ne’ebe nia lidera konsege rezolve problemas ne’ebe governu Fretilin husik hela ba governu AMP. Problemas ne’ebe mak rezolve hanesan statuta guarda prezionairu, hari tribunal ha’at hanesan tribunal Distritu Kovalima, Baucau, Dili no Oecusse nomos kazu balun konaba problemas desputa rai.
Ministra Justica Lucia Maria Brandao Lobato kasu lia hirak ne’e liu husi seminar nakloke ne’ebe organiza husi Centro Jornalista Investigativu Timor Leste (CJITL), Tersa, (6/9) iha Fundasaun Oriente.
Seminar nakloke ho jornalista ne’e ho tema “Kontiudu Lei Terras Propiedade Susesu no Dezafius Ministeriu Justisa iha 2007-2011.
“Dezafiu barak maka hau hasoru durante ne’e konaba problemas ne’ebe governu interior husik hela ba governu AMP. Maibe to’o ohin loron governu AMP mos bele resolve problema hirak ne’ebe hau temi iha leten,”Lucia konfesa.
Iha oprtunidade ne’e Ministra husi PSD ne’e husu ba jornalista banhira atu hatene lalaok servisu governu nian, tenki ba visita ba iha kada Ministeriu hodi nune’e bele hatene klean liu tan saida mak lorloron fungsionariu sira halao.
Tuir Lucia, servisu jornalista importante tebes atu fahe imformasaun ba komunidade. Tamba ne’e jornalista sira tenki servisu ho professional no tenki fo informasaun ne’ebe klean no kredivel ba povo.
Orador seminar nakloke ne’e, Filomeno de Brito antes hahu seminar hateten, objetivu prinsipal husi seminar nakloke ne’e atu fo hanoin ba maluk jornalista sira bele koinese no hatene liu tan susesu no dezafiu saida mak durante ne’e Ministeriu Justisa hasoru.
Filomeno husu ba Jornalista atu bele hakbesik liu tan saida mak Ministeriu Justisa halao, hodi nune’e bele haklaken informasaun ba publiku husi parte justisa.
Antes ne’e CJITL laos deit halao seminar nakloke ho Ministeriu Justisa deit, maibe sei halao mos ho Ministeriu sira seluk nomos partido politiku sira konaba programa ba dezenvolvimentu nasaun ne’e.
Discussion about this post