Radio, online – Fundasaun Mahein (FM) nu’udar sosiedade sivil, durante ne’e halo analiza, peskiza no monitorizasaun iha are seguransa no defeza produs ona relatorio barak, maibe ema barak ladun iha vontade atu le’e relatorio ne’e, inklui mos governu Timor Leste.
“Hau tristi uitoan konaba governu sira ladun tau intereses ba ami nia relatoriu ba iha area seguransa no defeza ninian. Ami iha intereses bo’ot hodi hadia ita nasaun liu husi seguransa ba iha futuru.
Hau husu tau netik atensaun ba ami nia hanoin diak iha ami nia relatoriu ne’e,” dehan Nelson Belo ba radio liberdade oline, Kinta foin lalais ne’e.
Diretor ne’e hatutan, difilkuldade ne’ebe FM hasoru mak susar atu hentan dadus los–los, hodi fortifika FM nia analiza. Obstaklu seluk mak hanesan kazu fronteira no ema naok motor iha Kapital Dili. Tuir Belo, nia hare katak durante ne’e lideransa sira lakoi le’e ne’e mak problema sira ne’e akontese nafatin ,
Relatorio ne’ebe fo sai husi FM kuaze ema estranjeiru mak hakerek ne’ebe analiza husi Timoroan. Relatorio FM produs hakerek ho lian Tetum hodi dezenvolve seguransa iha Timor leste .
Belo haktuir, durante ne’e FM infrenta iha parte rekursu humanus. FM nia programa atu suksesu, Diretor ne’e rasik ladun hatene, so publiko mak bele fo nia komentariu.
“Ita nia PNTL barak mak sedauk hatene nia kanar ho diak. Ita nia F-FDTL mos seida’uk iha lei ida mak atu kesi metin sira. Tamba tuir sira nia hare katak ita nia seguransa rai laran ne’e durante ne’e ema sei politiza,”Belo kestiona.
Ho nune’e FM husu ba governu, hodi kria lei organiku ba PNTL ho F-FDTL atu lalika monu fali ba Kazu ruma. Tamba tuir FM hare katak iha tinan 2006 PNTL ho F-FDTL ne’e politika sira politiza hodi hamosu krizi.
Alende ne’e husu ba governu kria formasaun ba instituasaun rua ne’e, bele iha koinesimentu diak liu tan. Hadia neneik maibe kontinua lao.
Prezidenti Komisaun B asuntu seguransa no defeza, Duarte Nunes rekoinese katak, ho prezensa FM nia knar iha area ne’e fo vizaun no hadia diak mos iha komisaun B hodi analiza diak ba programa seguransa no defeza nian iha Parlamentu Nasional.
“Ami hetan buat barak husi FM nia relatoriu hodi ami halo analiza no fo ideias iha PN atu hadia ita nia seguransa no defeza. Hau husu ba FM kontinua iha area ne’e tanba importante ba ita nia nasaun ne’e,”Duarte hatete.
Discussion about this post