Radio, online – Prezidenti Parlamentu Nasional, Fernando Lasama de Araujo kompremitiza deklara katak, aktividades terorismo sei la tama mai iha Timor, tamba instituisaun hotu- hotu halao nia servisu ho diak ba kontrolasaun.
Asuntu ne’e hato’o Lasama iha Kinta, otel Timor (30/6). Lasama kestiona, semak atu dada terorismu mai ita Timor Leste. Rai ne’e kik oan, povu ne’e kuinese malu hela.
Polisia Imigrasaun, F-FDTL nia servisu mos diak hela, povo ididak mos partisipa diak. Iha futuru terorismo sei la mosu
Lasama husu ba povu lalika ataka malu ba isu ne’ebe la fo solusaun ba rai ida ne’e.
Husu konaba Fretilin nia prekupasaun ba rekerimento husi aliansa maioria parlamentar hodi suspende lei branqueamento kapitais no finansiamento terorismo, Lasama husu ba opozisaun lalika ataka malu, ataka malu ne’e laos dalan ida atu rejolve.
Lasaama hatutan, nudar ema Timor oan tarata buat ruma tenke trata ho diak, fo positivu ba rai ida ne’e. Lasama kestiona iha plenaria opozisaun barak mak latama hodi prense koru.
Prezensa kompanha Galp Importante Mai TL
Iha oportunidade ne’e Lasama hateten katak , ho prezensa kompanha Galp Portugal kona ba Petrolium Gas iha Timor leste ne’e importante. Liu husi kompanha mina ne’e fahe esperensia no matenek ba Timor oan, hodi koinese klean iha area Energia.
Liu husi Lasama Kompanha Galp Timor oan tenki iha koinesementu ba nia riku soin, hodi nune’e, ema husi rai liur labele bosok. Husu mos ba liderensa sira hodi uza riku soin diak ba dezenvolvimento infrastrutura iha nasaun ne’e no povu nia moris.
Lasama fiar katak, kompanha Galp Portugal sei ajuda TL iha area formasaun rekursu humanu tanba tanba rekurusu humanus sai xafe ba kontrlosaun riku soin hotu.
Discussion about this post