Radio, online – Vice Primeiru Ministru Jose Luis Guterres fo saik katak, kontruksaun sentral eletrisidade olio pezadu, hanesan projetu ne’ebe boot liu iha Timor Leste, ne’ebe tamba gasta orsamentu bo’ot ba dezenvolvimentu nasaun ne’e.
Governu promete ona antes katak, hakarak ahi ba ema hotu. Iha 28 Novembru tinan ida ne’e, ahi sei lakan permanente ba dala uluk iha parte kosta sul, husi distritu Bobonaro to Lospalos.
Dehan Jose Luis Guteres, iha seremonia simu ekipamentu konstrusaun sentral Olio Pezadu, iha Portu Temporariu Suku Uma Kaduak, Sub-Distritu Manatutu, Distritu Manatutu, iha loron Kinta lalais ne’e.
“Ita hotu tenki halo esforsu maka’as hodi garante paz no estabilidade, para aban bainrua ita bele hetan buat sira ne’e hotu no goza ba moris ukun-an ne’e,”Jose Luis afirma.
Vice PM ne’e hatutan, projetu ida ne’e, PM Xanana, hakarak duni tenki halo tanba fiar katak, enerjia hanesan baze ba dezenvolvimentu iha Timor Leste no nasaun ne’ebe deit. PM Xanana promesa tiha ona ba povu katak, iha 28 de Novembru 2011, ahi sei lakan permanente uluk iha kosta sul.
Iha okaziaun segundu xefi governu dehan, komprimisiu governu laos deit ahi, maibe be’e mos mos, saude no edukasaun, sai programa prioridade ba governu tenki halao. Povu Timor Leste tenki moris iha kondisaun diak, hanesan povu sira iha rai dezenvolvidu.
Iha seremonia ne’e, Vise PM, simu responsabilidade hodi reprezenta PM Xanana nia fatin, hamutuk ho membru Governu, Ministru Infrastrutura Pedro Lay, Sekretariu Estadu eltrisidade Agua no Urbanizasaun Januariu Pereirra, Prezidenti komisaun G, Parlamentu Nasional Pedro da Costa Martires, Admistrador Distritu Manatutu, ho nia autoridade lokal sira.
Ho laran haksolok no kontenti hamutuk ho komunidade iha Suku Uma Kaduak/ Ilimanu, Distritu Manatutu, hodi simu ekipamentu sentral eletrisidade olio pezadu nian.
Haktuir Guteres, PM Xanana labele marka prezensa tanba, iha servisu balu mak tenki halo ho urjenti. PM Xanana tatoli lia fuan no promete katak, iha fulan Agustus, bainhira jerador sira to mai, PM xanana rasik maske moras, sei sae ambulansia hodi mai hamutuk ho povu simu gerador sira ne’e.
Iha fatin hanesan, nain husi kompania PURI AKRAYA ne’ebe kaer obra Olio Pezadu, garante katak, projetu sei remata tuir date line ho kontratu ne’ebe governu fo ba kompanha.
Antes ne’e iha PN, Deputadu Inacio Moreira ho Agusto Tara sei la fiar ba promesa ne’e, tanba to’o agora dadaun tore ne’ebe atu hari iha parte kosta sul seidauk kobre iha Bobonaro ho Same nomos Viqueque.
Discussion about this post