Radio, online – Hodi aslera servisu sosiedade sivil hodi promove no defende feto Timor Leste, Polisia Federal Australia ajuda orsamentu US$ 6,700.50 ba Fokupers. Liu husi orsamentu ne’e Fokupers sei utiliza hodi kapasitasaun liu husi estudu komparativu ba staff konselor iha Indonezia.
Serimonia entrega fundus ne’e halao iha Salaun edifisio Fokupers Farol, Sesta, (1/7/). Objetivu husi fundus ne’e tuir Diretora Fokupers, Maria Barreto hatete, fundus ne’e atu hala’o ba estudu komparativu, hodi suporta konselor Fokupers hodi atende ba vitima violensia Bazeia ba Jeneru no vitima Violensia Domestika.
“Fundus ne’e atu halo estudu komparativu ida klean hodi bele fo atendementu ba vitima Violensia seksual sira “Maria haktuir.
Iha opurtunidade ne’e Diretora akresenta, tuir lolos ne’e kapasita Konselor sira ne’e servisu Ministeriu Solidariedade Sosial nia, maibe Ministeriu Solidariedade Sosial lakohi hala’o bazeia ba ne’e Fokupers buka dalan hodi husu ajuda husi Polisia Federal Australia.
Diretora Fokupers salienta liu tan katak Fokupers Presiza duni Polisia Federal sira nia ajuda ne’e, tamba bele fo asistensia ba Vitima Violensia Domestika sira, ne’ebe hola parte hatun krimi iha nasaun ne’e.
“Estudu komparativu ne’e sei iha semana rua nia laran, iha Indonesia. Importante kapasita staff konselor sira,”dehan Maria.
Maria hatutan, estudu komparativu ne’e halao iha Provinsia Yogyakarta. Organizasaun Rifkanisa ne’ebe, knar servisu hanesan ho Fokupers. Organizasaun Rifkanisa mak fo atendementu ba Fokupers hodi halao nia Uma Mahon iha Timor Leste.
Maria hatutan, tuir Polisia Federal Australia , husu staff husi Fokupers ne’ebe ba halao estudu komparativu bele lori espiritu foun no kinerja foun ba organizasaun ne’e hodi bele halo atendementu ba Vitima sira ho diak liutan.
Mesmu Lei Violensia Domestika ne’e Promulga ona husi Presidente da Republika iha tinan 2010, maibe realidade Violensia Domestika sei as nafatin. Kasu violensia Domestika laos akontese iha nasional deit, maibe akontese mos iha Distritus sira.
Feto maluk sira nebe Hetan Violensia Domestika grave liu ba sira nia seguransa pesoal tamba suspeito sira livre hela iha liur,”Maria kestiona.
Tuir dadus nebe Fokupers hetan katak Distritu Dili numero Violensia Domestika sae maka’as liu kompara ho Distritu sira seluk
Discussion about this post