Radio. Online – Ko’ordenador jeral organizasaun massa Conselho Popular Defesa –RDTL- (CPD-RDTL, Antonio Aitahan Matak husu estadu kria kondisaun espesial ba kombatentes no veteranus sira nia kilat.
“Kombatentes no veteranus la bele rai kilat iha sira nia uma. Maibe bele iha kilat organiku ida ho ninia naran numeru de espesialidade, ne’ebe rai iha komando F-FDTL,”dehan Matak ba radio online iha nia redasaun, Sesta, (24/6).
Matak, firmeza hodi hatete katak, veteranus sira ne’ebe uluk defende rai ida ne’e misaun seidauk remata, maske Timor Leste independensia tiha ona.
Razaun Matak, hato’o kestaun ne’e, tanba povu no nasaun ne’e sei moris iha kiak nia laran no prosesu dezenvolvimentu presiza fo atensaun.
CPD-RDTL hakarak fo hanoin deit katak, kombantentes no veteranus milatares tenki hamrik nafatin nudar forsa espesial iha retaguarda, ho uniforme espesial-farda kamuflada no boina vermelha ne’ebe uluk uza iha ailaran.
“Ita labele hapara sira nia misaun ka halakon sira nia atributus no simbolus ho modelus estranhus investadus husi rai seluk ne’ebe halo konfuzaun,” Matak kestiona.
Kombantentes no veteranus sira nudar forsa espesial no rezerva ba iha situasaun grave wainhira estadu iha krtizi nia laran, hanesan golpe ka iha grupo halo ataka ba estadu RDTL. Iha tempo normal mos veteranus sira iha direitu uza farda nune’e mos iha loron serimonia importante konaba komemorasaun nasionais.
Discussion about this post