Radio, online – The Asia Foundation NGO Internasional, fahe livru laos ba eskola sira deit, maibe ba mos instituisaun Governo hanesan, Ministeriu Edukasaun, Ministerio Negosiu Estranjeiru no Koperasaun, Parlamento Nasional no Partido Politiku sira. Livru mak fahe oras ne’e dadaun hamutuk 120.000.000.
Lia hirak ne’e hato’o husi, Program Officer Books for Asia, Dores Vila Nova, iha Salaun Canossa Haslaran, Tersa (21/06/2011).
Tuir Doris, katak, programa fahe livru iha Instituisaun Canossa Haslaran ne’e, hanesan kontinuasaun husi programa halao tiha ona iha Colegio São Jose Balide, iha 28 fulan Marsu, liuba.
Doris haktuir, ba oin sei kontinua fahe livru ba Instituisaun Governu, Sosiadade Sivil, Eskola Privadu, no eskola publiku sira. Kriteria ba instituisaun atu hetan livru tenki hatama request ba The Asia Fundation.
Programa ne’e halao tiha husi tinan 2004, to’o agora. Alende fahe livru The Asia Foundation halo mos treinamento konaba Library Training no monitorizasaun ba parseiru sira simu tiha ona livru.
Konaba partidu politiku, Doris esplika, durante ne’e foin mak Partido CNRT mak simu livru husi The Asia Foundatio, no Partido sira seluk seidauk.
Programa fahe livru iha Instituisaun Canossa Haslaran, diferente ho programa hirak halao tiha. Iha premeiru faze fahe livru bazeia ba kuantidade husu, no la halo klasifikasaun.
The Asia Foundation halo fali monitorizasaun nota katak, livru balu parseiru sira la konsege utiliza hodi entrega ba NGO Internasional ne’e, tanba la koresponde tuir nesisidade.
Agora livru hirak The Asia Foundation iha, la fahe direita, maibe foti parte balu husi livru hotu iha.
Doris mos esplika koanab tipu no informasaun hakerek iha livru laran, iha infomasaun oin-oin. Benifisiariu sei barak liu ba estudante universidade sira, tanba maioria relevante ba prosesu aprendizajen iha universidade. Livru balu koresponde ba konesementu publiku no estudante sekundaria no pre-sekundaria.
Iha fatin hanesan reprezentante Care Internasiona Simplicio, nudar koordenador ba projetu Revista Lafaek, hateten katak, projetu hakerek Revista Lafaek, laos tanba expert konaba hakerek. Maibe tanba bazeia ba esperensia .
“Ita hatoman a’an hakerek mak loron ruma ita sei sai hakerek nain, no ida ne’e sai nudar pasu premeiru ba se-deit mak hakarak atu hakerek,”dehan Simplicio.
Tuir Koordenador revista Lafaek hatete, ideia atu hakerek tenki mai husi realidade sosial tuir kontekstual iha. Kaundo hatoman a’an, loron ruma mosu ideia barak hodi hakerek, no bele hakerek livru.
Discussion about this post