Radio, online – Xefi Bankada FRETILIN Aniceto Guterres husu maluk sira husi Partidu seluk labele prekupa no alerjia ho radio Maubere nia prezensa. Tanba radio Maubere sei la lori dezafiu ida ba estadu Timor Leste.
Xefi Bankada partido historiku kasu lian hirak ne’e ba radio Liberdade online iha uma fukun Parlamentu Nasional iha Segunda dia (20/6).
Tuir Aniceto radio Maubere fo sai nia informasaun no programa radio nian ne’e hanesaun meus importante hodi kuda metin povu nia nasionalizmu. Radio Maubere fo sai istoria hahu luta ba ukun-an ida ne’e.
Aniceto esplika liutan, Timor Leste ninia radio premeiru mak Radio maubere, ne’e duni radio ne’e moris sai hanesan orgulhu bo’ot ba povu ida ne’e.
Iha tempo kolonializmu radio ne’e moris ona, iha ukun-an ne’e radio nia prezensa sai hanesan simbolu ida ba nasaun. Radio Maubere hanesan eransa husi prosesu luta ba independensia TL.
“Ita lalika politiza oioin konaba radio Maubere nia prezensa. Radio Maubere sei la lori dezafiu ba estadu no mos povu ida ne’e,”nia akresenta.
Ba oin tuir Deputadu husi Distritu Bobonaro ne’e sei halo mudansa iha Radio Maubere nia kualidade iha notisias no mos programa sira seluk. Importante liu mak sei fo sai istoria Fretilin nian ba povu hodi hatene nasaun ne’e ho Fretilin nia ejistensia.
Liu husi sekertario Estadu Konselhu Ministru Hermenegildo Pereira la satisfas ho Radio Maubere nia prezensa tanba iha nia programa laiha balansu. Tuir Agio Radio Maubere nia progarama barak liu mak insulta malu deit. Laiha edukasaun ba povu ida ne’e.
“Ami sei hare ba radio partido politika sira nia prezensa, tanba radio Maubere koalia konaba poder politika,”dehan Agio foin lalais ne’e.
Tuir informasau espalha iha media nasionais no iha publiku nia le’et katak, iha tempo badak radio CNRT no PD sei mosu.
Discussion about this post