Radio, online – Membru Parlamentu Nasional Benvinda Catarina Rodrigues la satisfas ho Serviso Agua Saneamentu (SAS) liliu ba kompanha ne’ebe manan tender ba kamanoeta saneamento hodi tula foer iha kapital Dili, ne’ebe konsedera servisu ladun diak.
Lia hirak ne’e hato’o husi membru Parlamentu Nasional ne’e iha uma fukun Parlamento Nasional, Segunda, (20/6) liu husi plenaria.
Ba radio Liberdade Benvinda hateten, kamanoeta saneamento ne’ebe tula foer, dala ruma foer ne’ebe populasaun soe iha foer fatin, ne’ebe iha Estrada ninin servisu nain sira la tula.
Ho ida ne’e populasaun sira sunu halo suar no estraga ambiente, hanesan iha area Kolmera.
Deputada husi bankada CNRT ne’e, hatutan, husu sunu foer ne’e hamosu moras no estraga espiratoria ba ema nia saude liliu ba labarik sira hanesan moras ISPA ne’ebe mai husi foer nia suar.
“Ita nia hare kemeoneta raut foer iha Dili laran la ho seriu. Sira raut foer mak besik iha edifisiu bo’ot nia oin deit maibe iha kintu kantu ladun raut, husik to’o loron rua ka tolu mak foin raut,”hateten Benvinda ho tristi.
Iha fatin hanesan Deputadu Natalino dos Santos kestiona ba infrastrutura sai ne’ebe problema bo’ot ba povo Timor Leste.
Tuir Deputado husi CNRT ne’e problema infrastrutura hanesan problema ida ne’ebe mai husi komplikado tanba halai liu ba fiziku. Tuir Deputadu CNRT ne’e rekoinese katak, kada tinan tinan Parlamento Nasional aprova osan maibe realidade tuir fiskaliza membru Parlamento Nasional katak la lao.
“Husu ba governu, oinsa buka solusaun diak ida atu fo kontribuisaun ba problema bo’ot ne’ebe ita nia povu ho nasaun agora dadaun infrenta,”nia lamenta.
Discussion about this post