Radio, online – Reprezentante povo iha uma fukun Parlamentu Nasional husi bankada CNRT -PSD preokupa tebes ho moras dangue ne’ebe as iha Hospital Nasional Guido Valadares (HNGV) tamba moras ne’e bele afeita ema nia vida moris, liliu ba labarik sira.
Deputado CNRT Natalino do Santos liu husi plenariu Segunda, (13/2) hateten katak, nia sente preokupa tebes ho moras dangue ne’ebe agora dadauk labarik sira infrenta tamba kondisaun fatin iha HNGV la sufsiente ba pasien atu bele toba. Pasiente balun haruka fila ba uma hafoin halo tratamentu.
Natalino reforsa preokupu laos husi PN deit maibe husi pasiente no mos husi mediku sira tamba kondisoes la dun diak no mos ai moruk la menus tebes.
“Husu ba Ministru kompatente atu fo atensaun ba pasiente ne’ebe moras dangue as iha hospital nasional guido valadares tamba moras ne’e perigosu tebes tamba ne’e governu hare kondisoes bele halo kooperasaun ho klinik ne’ebe iha hodi nune’e povo balu bele tratamentu iha klinik refere,”dehan Natalino.
Iha sorin seluk Deputado Agostu Tara husi PSD dehan, moras dangue afeita makas iha Timor Leste liliu iha Dili tamba labarik sira iha HNGV iha sala sira ne’e la barik sira ne’ebe moras dangue ne’e nakonu.
Tara afirma katak, programa saude iha tempu udan sempre rega susuk maibe tamba saida mosu moras dangue. Tuir Tara iha tempu udan ba tinan ne’e iha labarik atus lima resin mak hetan moras dengue.
Tamba ne’e husu ba governu liliu parte saude nia atu hare ba asuntu tamba moras ne’e perigosu ba ema nia moris.
Discussion about this post